Nshuwau 19:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ Napane vanavo vandíjunga vaashidoni, “Mmalidye! Mmalidye! Mpambilile panshalaba.” Pilatu kuvaudya, “Da mulota nimpambilile panshalaba umu wenu?” Vanang'olo vavakulangalalela-shadaka kutwala kushidoni, “Hatuvé umu junji ila Shashali tu bai.”

Nshuwau 19:15 Referans Kwoze

Lukashi 23:18

Kanji imbumba yavanu inditangola kwaunapamo ijunga iishidoni, “Munu ajo atuntamwa, tuungulila Balabashi,”

Vitendo 22:22

Mpaka apo vanu vashindamwigwilila, napane po patangwele lilove lyamwisho, vandíjunga vaashidoni, “Munu aju mwovye mushilambo amu! Haimmaikidile kunama.”

Vitendo 21:36

váshipita vamwoda pepi-pepi vajunga vaashidoni, “Mmalidye!”

Nshuwau 19:6

Vanang'olo vavakulangalalela-shadaka pamo na vakushunga pavangwene vandíjunga vaashidoni, “Mpambilile! Mpambilile!” Pilatu kutwala kushidoni, “Ntwale mwenu po, mukampambilile. Nangu, hangunamwona makosha.”

Nshuwau 18:31

Pilatu kushidoni, “Ntwale mmene mukamuukumu kenga mwalitangalela lilamulo lyenu.” Vayuda kushidoni, “Wetu hatuvenavo lilamulo lyakumpambilila munu woewoe.”

Mateu 22:17

Kanji napanelo twaulila, wako wona dashi? Ni shambone nkati mulilamulo lyetu kunnipa Shashali ukodi kwali mene?”

Vitendo 13:28

Ata ikava kenga havangwene likosha lyakupalela, vanínjugwa Pilatu pakulota abyaigwe.