Nshuwau 18:20 - Ibibiliya mu Shimakonde Imbodi Yaambi na dimbande dya Imbodi Yakala

²⁰ Yesu kutwala kushidoni, “Nangu nditangola ngala na shilambo; ndipundisha ngwengwe muvitala vyakulipudidya na mwing'ande ya Nnungu mwavakadyania uti vayuda. Hashipali shangutangwele kwashipii.

Nshuwau 18:20 Referans Kwoze

Nshuwau 7:26

Alo! I aju apa átangola ngala, vanavo me havanatangola shinu? Da vakutawala vankumanya kenga munu aju mwiu ni jo Klistu?

Mateu 4:23

Napanelo Yesu ashindatanela makaja a ku Galileya apita apundisha muvitala vyave vyakulipudidya avalanganga ntenga wambone wautawala, aponia vilwele na mauvilo uti kwavenentete.

Lukashi 21:37

Yesu kula liduva, mui ashindapagwa mwing'ande ya Nnungu apundisha, shilo kuka ndaikala kulishinga lyavashema Lyamilandi Vyaulivela.

Nshuwau 7:4

Hapali ánatenda vinu kwashipii ikava kenga ankulota amanyike ngala. Napane ikava kenga unkutenda vinu avi, bai kalilodye kwashilambo.”

Lukashi 4:15

Nae ashindavapundisha muvitala vyavo vyakulipudidya na vanavo uti vashindamupa lishangelo.

Mateu 26:55

Muwakati wowo Yesu kutangalela imbumba kushidoni, “Kenga nkalau shamwida na maambila na dilungu kwida nangukamula? Kula liduva ngushindapagwa mwing'ande ya Nnungu ngwìkele ngupundisha ata hamunguungile.

Mateu 9:35

Napanelo Yesu ashindatanela minjini uti na makaja apita apundisha muvitala vyakulipudidya avalanganga ntenga wambone wautawala, aponia vilwele na mauvilo uti.

Nshuwau 8:26

Nindivanavo vyoe vyakutangola na vyakumuukumu mwenu; napane i nangu gweka, aijá ángutumididye ni waumwiu na ashilá shanimwigwite nae ni shosho shanguvalangangila shilambo.”

Nshuwau 8:2

Palyamba lyake, lyamba linyeiku andyúka kavili kwing'ande ya Nnungu. Venentete uti vaníntang'anedya, nae kwikala kuvapundisha.

Nshuwau 7:28

Napanelo Yesu apundisha mwing'ande ya Nnungu, andítangola pashanya po, “Elo, mwenu muningumanya na kwetu mundimanya. Kanji nangu hangubunidye nimwene kwida akuno ila aijá ángutumididye ni waumwiu. Mwenu nae hamummanyite,

Nshuwau 7:14

Napanelo shikukulu shìvele shing'ati, Yesu andíinjila mulugwani lwaing'ande ya Nnungu kutwala kutunduvanga kupundisha.

Mateu 26:65

Bai nkúlangalalela-shadaka nkumene aijá andípapulanga dinguvo dyake aashidoni, “Andikupulu! Napane tulambela ushuda shani kavili? Mwenu mundigwa kukupulu aku.

Vitendo 26:26

Apa apali umu Agilipa ámanyite shana vinu vyene uti; ni ashi shingutádya nangu ngutangole na kulitamanga pamevo pake mwaa ninkuvanavo wakika kenga pakati pavinu avi uti hashipali ata shimo shimpundíle na hashipali ata shimo shitandéke shipiipii.

Mateu 24:26

“Napavedoni vanu vakamwaulila kushidoni, ‘Mwenu! Nae apali kushimbweshe akulá,’ hamunauke. Kwali vakaashidoni, ‘Apali nng'ande amulá,’ hamunakulupile.

Malukushi 8:32

Malove alo nae ashitangola ngala kutwala Patulu kunshamela Yesu kwagweka kuntangalela.

Nshuwau 6:59

Vinu avi Yesu atangwele ku Kapalanaumu apundisha mushitala shakulipudidya.

Nshuwau 18:21

Napane mwaa shani munkungudya? Vaudye avalá vangwigwíte. Vanavo vandimanya shana ashilá shangushitangola.”