Nshuwau 18:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ Napanelo Yesu vashindamwoda Simoni Patulu pamo na nkwóda junji. Nkwóda aju, pakuva vandímanyana namu nkúlangalalela-shadaka nkumene, nae andíinjila pamo namu Yesu mpaka mulugwani lwanang'olo ajo.

Nshuwau 18:15 Referans Kwoze

Lukashi 22:54

Bai vanavo vanínkamula kumuukanavo kwing'ande yankúlangalalela-shadaka nkumene; Patulu andyúka amwoda mwakushu.

Malukushi 14:54

Patulu andímwoda Yesu kwakushu mpaka ndainjila mulugwani lumwe nkúlangalalela nkumene kutwala kwikala pamo na vakushunga kujota moto.

Mateu 26:3

Napanelo vanang'olo vavakulangalalela-shadaka namu vanang'olo vavenentete vandíkadyania paing'ande imwe nkúlangalalela-shadaka nkumene aijá wavanshema Kaipashi

Nshuwau 18:24

Bai Anashi aníntumidya Yesu vàmuungile mmakono kumwe Kaipashi, aijá nkúlangalalela-shadaka nkumene.

Nshuwau 18:28

Kavili vayuda vandímumya Yesu paing'ande imwe Kaipashi kumuukanavo kumwe gavana. Wakati wene wo uvele lyamba linyeiku, napane vanavo pavakalota kulitaa udagwa, havainjidíle nng'ande vajopa pakulota vaulule kulya Pasaka.