Nshuwau 17:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ Nangu ndikupa lishangelo mushilambo pangumalidile shimadengo uti shaungukamudidye ngutende.

Nshuwau 17:4 Referans Kwoze

Nshuwau 4:34

Yesu kuvaulila doni, “Shakulya shangu ni kutandedya malotelo ake aijá ángutumididye na kulinganianga shimadengo shake.

Vitendo 20:24

Kanji navalangilila shinu shingumi shangu kuva shinu shamana kwangu nene nimwene pakulota ngudududile shitamba shangu na utumika wangukamudidye Umu Yesu yakutaa ushuda ntenga wambone waumonyo wake Nnungu.

II Timoti 4:7

Nditenda ing'ondo yambone, ndimalila mashindano, ndishunga likulupililo.

Nshuwau 19:30

Nae akalinge medi alalá, andítangola kushidoni, “Vindiwikila popo.” Bai andítepya muti wake kutwala kujaa imumu.

Nshuwau 14:31

kanji pakulota shilambo shimanye doni, nangu ninkunnagwaledya Atata, nadoni avilá vyangulamulidile nae ngutende, ninkutandedya. Bai takatukanga, tume apa.

Nshuwau 15:10

Mwenu mukaigwilila malamulo angu mundapagwa mulinagwaledyo lyangu kenga nangu malamulo amwe Atata ndiigwililila na ninkupagwa mulinagwaledyo lyake.

Nshuwau 14:13

Kula shinu shamulota kujugwa palina lyangu, nangu ndatandedya kwambangidya Atata apate lishangelo nkati mu Mwana.

Nshuwau 12:28

Atata, ing'a lishangelo lina lyako!” Bai lindíigwinika lidi lyakwalakela kuwa líishidoni, “Lishangelo tayali nding'a na yadavo ndaing'a kavili.”

Nshuwau 9:3

Yesu kushidoni, “Munu aju hatagile na ata tatake na anyoke momo havatagile. Shitadídye avalekwe àputele ni pakulota vitendo vya Nnungu vililodye kwa ashilá shilóta kuntandeka.

Nshuwau 5:36

Kanji napane ushuda wangu nangu unkupunda aulá umwe Nshuwau mwaa madengo angupele Atata ngumalile, madengo ala angutenda ankunguvalanganga kenga nditumigwa namu Atata.

Lukashi 22:37

Ninkumwaulila doni, ambi apa vilota kutandeka avilá vyandikíke doni, ‘Vanimpambanianga mushipinga shavaungave-lilamulo.’ Mwaa uti vyavaandike vingwamba nangu, mwiu vindatandeka.”

Nshuwau 19:28

Ling'oto lya avyo Yesu amanya kenga uti vindimalilika na pakulota Maandiko awikile popo, nae andítangola kushidoni, “Inangukola inyota.”