Nshuwau 16:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ kwaishaliya mwaa nangu ninkuka kumwe Atata na mwenu hamungwona kavili;

Nshuwau 16:10 Referans Kwoze

I Patulu 3:18

Mwaa mwiu Klistu andyuvauvanga mwanda umo tu bai kwamwaa walidambi, munu waishaliya kwamwaa wavanu vaungave-ishaliya pakulota kutuukanavo kumwe Nnungu. Nae kwashimunu vanimpedya kanji vanindyuwa kwa Imumu

II Vakolintu 5:21

Aijá ákamanyite lidambi anintadya kuva lidambi kwamwaa wetu wetu kwambangidya tuvalangiligwe kuva ishaliya yake Nnungu nkati mwake.

I Timoti 3:16

Mwiu shikumene tunkuvalanganga ni shipii shakuvanavo Nnungu: Aijá átandegwe kumanyika mushimunu, áakikishigwe kwa Imumu, áanakene na vanjelo, wavammalangenge pakati pavenentete, wavankulupidile mushilambo, átanduligwidye mulishangelo.

I Vakolintu 1:30

Ni kwamwaa wake nae shitádya mwenu mupagwe nkati mumwe Klistu aijá áukile ndava kwetu wetu limanyilo lyalakéla kumwe Nnungu, ishaliya, kwilimyanga na kwambolegwa

Vitendo 3:14

Kanji mwenu mundimwita Wakwilimyanga na Waishaliya kutwala kujugwa vamuungulile nkúbyaa.

Vagalata 5:5

Mwaa kwa Imumu na kwaindila yalikulupililo wetu tunkulindila na mweshe lilindilililo lyakupata ishaliya.

Valoma 1:17

Mwaa mo muntenga mo inkulilodya ishaliya yake Nnungu kutunduvangila mulikulupililo kuka mulikulupililo kenga mwavaandikidile, “Waishaliya andanama kwalikulupililo.”

Vitendo 17:31

mwaa Nnungu andipanga liduva lyakuukumu shilambo kwaishaliya kwaindila yamunu jumo wantandwele mwene. Ing'ano ai andilodya umwiu kwauti pakundyuwa munu ajo pakati pavakupela.”

Vitendo 7:52

Shapo nkúlava shani wávakampapete vanyakalavenu? Vanavo vandivabyaanga vakulava vake Nnungu váshivalanganga kwida aijá Waishaliya umwe Nnungu na mwenu jojo muninnimya na munimpedya.

Vitendo 2:32

Jo Yesu aju, Nnungu anindyuwa na wetu apa uti ni tuvashuda vashitendo asho.

Nshuwau 5:32

Napane kanji apali junji ánguvalanganga nangu na nangu ninkumanya kenga ushuda waumya nae anguvalanganga nangu, wìu.

Nshuwau 3:14

Ni kenga momo mwannyanyulidile Musha nyoka munnandi kushimbweshe nanae Mwana Wamunu inimmaikila anyanyuligwe

Nshuwau 7:33

Yesu kutwala kuvaulila doni, “Ndapagwa kavili namu mwenu muwakati padyoko, kutwala apo ndauma kuujila kumwe aijá ángutumididye.

Nshuwau 16:5

Napane ambi apa panguka kumwe aijá ángutumididye, pakati penu hapali ata jumo wakungudya, ‘Da wenda kwashi?’

Nshuwau 16:28

Nangu ngwaleké kumwe Atata kutwala kwida mushilambo shapai, napane ninkuma mushilambo amu kuujila kumwe Atata.”