Nshuwau 15:27 - Ibibiliya mu Shimakonde Imbodi Yaambi na dimbande dya Imbodi Yakala

²⁷ Namwenu momo mundaumya ushuda wangu mwaa mwenu mundípagwa namu nangu tangu kunantandi.

Nshuwau 15:27 Referans Kwoze

I Nshuwau 4:14

Wewe tuvene tundyona na tunkumya ushuda kenga Tatamunu anintumidya Mwanagwe pakulota ave Mwamboli wamushilambo amu.

Nshuwau 21:24

Aju ni nkwóda jojo áumya ushuda wavinu avi na áandike. Wetu tunkumanya kenga ushuda wake wo, wìu.

Lukashi 24:48

Vinu vyovyo avi mwenu ni mmashuda.

Vitendo 23:11

Napanelo muliduva lyolyo shilo shake, Umu andímwimila Paulu pepi kutwala kumwaulila doni, “Lyunge ntima! Mwaa mo mwaumididye ushuda unguvalanganga nangu pa Yelusalemu apa, ku Loma undatandela momo.”

I Patulu 5:12

Kwalipwashalelo limwe Shilivanu aijá wanimwamini kuva nung'unumunu wakukulupilika, nangu ndimwandikila mwenu kwaungwipi ninjugwangila na ngumyaa ushuda kenga: au ni umonyo wiu wake Nnungu. Pagwa mukunanopa nkati muumonyo wake Nnungu.

I Patulu 5:1

Doni, nangu ninang'olomwenu na ninshuda wamauvilo amwe Klistu namomo wakuliinjidyanga mulishangelo lilóta kuunukuligwa, ninkuvalaililila vanang'olo vapagwíte pakati penu,

Vitendo 4:20

Mwaa wetu apa, vyatwona na vyatwigwa hatuulula kuleka kutambulanga.”

Vitendo 1:8

kanji mwenu mundapata dimongo dya Imumu Wanashwe álota kumwidila na mwemwe mundava mmashuda vangu kutunduvangila pa Yelusalemu, ku Yudeya, ku Shamaliya mpaka mwisho washilambo.”

Maono 1:9

Nangu Nshuwau ninung'unumunu na ninjenu ngúpagwa pamo namu mwenu mumauvilo, muutawala na mukunanopa nkati mumwe Yesu. Ndípagwa pashitingi shavashema Patimu kwamwaa walilove lya Nnungu na ushuda umwe Yesu.

Maono 1:2

Nshuwau andivalanganga uti vyagwene mulilove lya Nnungu na ushuda umwe Yesu Klistu.

Vitendo 18:5

Napanelo Shilashi namu Timoti pavawikile vaalakela ku Makedoniya, Paulu ashindabanigwa kwalilove aumya ushuda kwavayuda kenga Klistu ni Yesu.

Vitendo 13:31

Akandyuwe, vavagwe vaalekenavo ku Galileya mpaka ku Yelusalemu, vandyónananavo mumaduva oe na vovo vankumya ushuda wake kwavanaishilaeli.

Vitendo 4:33

Vamyombe vashindataa ushuda na dimongo namene ing'ano yakudyuka kwake Umu Yesu na umonyo ukumene ushindapagwa na vanavo.

Nshuwau 19:35

Aijá ágwene vinu avi andyumya ushuda na ushuda wake ni waumwiu. Nae andimanya kenga ankuvalanganga umwiu; ankuvalanganga pakulota namwenu momo mukulupile.

Vitendo 3:15

Napavedoni, mwenu munimpedya mwene shingumi kanji napane Nnungu, jojo jo, anindyuwa mushipinga shavakupela na wetu nelo tuvashuda vashitendo asho.

Malukushi 1:1

Shitunduvangilo shantenga wambone ummalangánga Yesu Klistu Mwana wa Nnungu.