Nshuwau 14:30 - Ibibiliya mu Shimakonde Imbodi Yaambi na dimbande dya Imbodi Yakala

³⁰ Hangutangola shinu kavili vinu vyoe namu mwenu mwaa nkútawala washilambo ashi ankwida. Nae kwangu nangu hatenda shinu

Nshuwau 14:30 Referans Kwoze

I Nshuwau 5:19

Wetu tundimanya kenga tuvake Nnungu kanji shilambo uti shivele mwina mwankalau.

I Nshuwau 4:4

Mmanavangu, mwenu apa mmàke Nnungu nadoni mundivatema avalá vakulava vakushang'apa mwaa aijá ápagwite nkati mwenu ni nkumene kumpunda aijá ápagwite mushilambo amu.

Maono 12:9

Napanelo lijoka likumene alilá lindíjalegwa pai. Aju ni jojo aijá nyoka wakala wavanshema Ndamoni kwali Shatwani ávaduwanga vanu mushilambo uti. Nae pamo na vanjelo vake vandijalegwa mushilambo shapai.

Nshuwau 12:31

Wakati wakuukumigwa shilambo ashi undiwika. Ambi apa, andavingigwa nkútawala washilambo ashi.

Vaepeshu 6:12

mwaa ing'ondo yetu hainava shinu yakupingana na munu kanji ni kupinga dimongo dyautawala, kupinga dimongo dyamadalaka na kupinga dimongo dyamushilambo uti mushii ashi shawakati au, kupinga dimongo dyadimumu dyaukalau mumautu akuwa.

I Patulu 2:22

“Nae hatandile shimadambi shoeshoe na ata ushwang'a haumile nkanywa mwake.”

Vaepeshu 2:2

Muvinu avyo, mwenu mushindanama kwodana na inamuna yashilambo ashi na kwodana na nkútawala wamadalaka akuniania, imumu ikóla ambi apa madengo muvakaigwilila.

II Vakolintu 4:4

Kwavanavo, nnungu wawakati au andivaputadya ding'anong'ano dyavakakulupila kwambangidya havanone lilangadyo lyantenga wambone walishangelo lyake Klistu ávele ing'ope yake Nnungu.

Vabalaniya 4:15

Mwaa nkúlangalalela-shadaka nkumene watuvenavo ankuulula kutwanangila shididi mukudabadabanga kwetu. Kanji leka apo, munu kenga wetu nae andyuvauvanga dinamuna uti dyakutubigwa kwabila kutenda shimadambi.

Lukashi 22:53

Nangu panishipagwa ngwengwe namu mwenu mwing'ande ya Nnungu, mwenu hamunguungile. Kanji au ni wakati wenu, wakati wamadalaka akushii.”

Vakoloshu 1:13

Nae ni átuposhidye muutawala wamushii kutuukanavo muutawala wamwanagwe wakunagwaleka,

Vabalaniya 7:26

Indituvaikila kuvanavo nkúlangalalela-shadaka nkumene kenga aju: wakwilimyanga, ákave makosha, waungave-udagwa, ávilinganenge na vakutega, wavankwadidye kuwa-uti.

II Vakolintu 5:21

Aijá ákamanyite lidambi anintadya kuva lidambi kwamwaa wetu wetu kwambangidya tuvalangiligwe kuva ishaliya yake Nnungu nkati mwake.

Vitendo 1:3

Ling'oto lyakupela nae andidyuka na andililodya myanda vyoe kumili kwave na vimanyikilo víkave ntau vyakulilodya nae kuva mumi. Vanavo vandyonanavo muwakati wamaduva alubaini avavalangangila ing'ano yautawala wa Nnungu.

Lukashi 1:35

Njelo do, “Andakushulukila Imumu Wanashwe na dimongo dyake Wapashanya-uti dindakwinikidya. Nadoni jo mwana waulota kummaleka jo, vananshema Wakwilimyanga, Mwana wa Nnungu.

I Patulu 1:19

ila mundyambolegwa kwamyadi vivénavo mana vimwe Klistu, myadi vyo vivéle kenga vyangandolo ákave makosha na ákave lilemba.

I Nshuwau 5:18

Tundimanya kenga uti aijá ávalakwadidye kwaindila ya Nnungu hanatega ila ávalakwadidye mu Nnungu ananshunga na aijá nkalau, hamwavalela.