Nshuwau 14:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ na nangu nanjugwa Atata na nae andamupa nkúpambadyanga junji aikale namu mwenu ngwengwe,

Nshuwau 14:16 Referans Kwoze

Nshuwau 14:26

napane nkúpambadyanga, aijá Imumu Wanashwe walota kuntumidya Atata palina lyangu, nae anampundisha mwenu kula shinu na anankumbuwanga uti vyanimwaulidile nangu.

Nshuwau 15:26

“Napanelo palota kwida aijá nkúpambadyanga wangulota kuntumidya kwaloka kumwe Atata, Imumu Waumwiu áalakela kumwe Atata, nae jo andaumya ushuda wangu nangu.

Valoma 15:13

Napane Nnungu walilindilililo amuumbadye lipuwilo uti pamo na amani nkati mukukulupila pakulota kwaindila yadimongo dya Imumu Wanashwe, muumbaligwe na lilindilililo.

Vagalata 5:22

Kanji napane mapuno a Imumu ni linagwaledyo, lipuwilo, amani, kupililila, kutanana, wambone, kukulupilika,

Valoma 14:17

Mwaa utawala wa Nnungu haunava shinu shakulya kwali ugwalwa kanji ishaliya, amani na lipuwilo nkati mu Imumu Wanashwe.

Vitendo 9:31

Bai liganisha lya ku Yudeya, lya ku Galileya na lya ku Shamaliya lindívanavo amani na lishindaliimiliyanga; linama mukunjopa Umu na mukumpambadyangigwa kwa Imumu Wanashwe, lyanavo lishindaanjadyeka.

I Nshuwau 2:1

Mmanavangu, ninkumwandikila vinu avi kwambangidya hamunatege. Kanji aijá átega, tunkuvanavo wakutushililidya kumwe Atata, Yesu Klistu, Waishaliya.

Nshuwau 4:14

kanji aijá álota kukumbila medi angulota kumupa nangu mwiko hainkola shinu kavili inyota. Medi angulota kumupa nangu lo andatadya nkati mwake mupandukange libububu lyamedi akumukanga auka kushingumi shíkamalilika.”

Mateu 28:20

na muvapundisha kutandedya uti avilá vyaninnamulidile. Nadoni nangu ninkupagwa namu mwenu mumaduva uti mpaka mwisho wawakati.”

Vapilipo 2:1

Napavedoni, ikava kenga kunkupagwa kwing'a ntima shii kwoekwoe nkati mumwe Klistu, ikava kenga kunkupagwa kupambadyanga kwoekwoe kwalinagwaledyo, ikava kenga unkupagwa upamo woewoe mu Imumu na ikava kenga linkupagwa lilotelo lyoelyoe na shididi,

Valoma 5:5

Mwenu, lilindilililo halinatutaa dyoni pakuva linagwaledyo lyake Nnungu lindimiminiligwa mmitima vyetu kwaindila ya Imumu Wanashwe wavatupele.

Vitendo 13:52

Kanji vakwoda va ku Antiyokiya vandípuwanga namene na vandyúmbaligwa na Imumu Wanashwe.

Nshuwau 17:15

Hangunajugwa shinu uvaumye mushilambo ila uvashunge kwa aijá nkalau.

Nshuwau 14:18

Haninneka muushiva, namwidila kavili.

Vabalaniya 7:25

Napavedoni nae ankuulula kuvaambole-uti avalá vammandíka Nnungu kwaindila yake pakuva jojo jo, ankunama ngwengwe pakulota kuvajungwangila vanavo.

Valoma 8:34

Nyani álota kuvaukumu? Klistu Yesu ni ápadile, leka apo ni ádyukile, ni áikele kunkanakono wake Nnungu namomo nae ni átujugwangila.

Nshuwau 14:14

Mukangujugwa shoeshoe palina lyangu, nangu ndatandedya.

Nshuwau 17:20

“Nangu navajugwila shinu gweka vanavo; ninkuvajugwila momo uti avalá valóta kungukulupila nangu kwaindila yantenga wave.

Nshuwau 16:22

Doni, mwenu ambi apa munkuvanavo shipalodi kanji nangu ndamwona kavili na mitima vyenu vindapuwanga, lipuwilo alyo hapali wakumpoka.

II Vateshalonika 2:16

Doni, jo mwene Umu Yesu Klistu namu Nnungu Tatagwetu átunagwaladidye na átupele kupambadyangigwa kúkamalilika na lilindilililo lyambone kwaumonyo,

Nshuwau 7:39

Napane nae ashimwamba Imumu áshilota vampate avalá vankulupidíle mwaa muwakati awo Imumu jo vavele vakanava kumpata kwoda Yesu avele akanava kupata lishangelo.

Vitendo 1:4

Pakati pamaduva alo, muliduva limo vàvele pamo, andívaanyalela lilamulo aashidoni, “Hamunatumuke pa Yelusalemu apa; lindila ashilá shalivikile Atata shamungwigwite nimmalangangila.

I Nshuwau 2:27

Kanji kwaupande wenu mwenu kupakigwa kwamupatile kwake nae, kunkupagwa nkati mwenu na mwenu hamunatakigwa shinu munu ampundishe. Kwoda kupakigwa kwake kunkumpundisha mwenu kwamwaa wavinu uti na kwaumwiu hakunashang'apa shinu, pagwa nkati mwake kulingana kenga mo mwampundishididye.

II Nshuwau 1:2

kwamwaa waumwiu upágwa nkati mwetu na ulóta kupagwa kwetu wetu ngwengwe.