Nshuwau 13:8 - Ibibiliya mu Shimakonde Imbodi Yaambi na dimbande dya Imbodi Yakala

⁸ Patulu do, “Mene. Wako madodo angu, mwiko haunavyanga!” Yesu akanjang'ula, “Ndikanakunavyanga, haupagwa nkati mwangu.”

Nshuwau 13:8 Referans Kwoze

Titu 3:5

i kwamwaa wavitendo vyetu vyaishaliya vyatutandile kanji kwamwaa washididi shake, nae anditwambola kwaindila yakuukangigwa kwakuvalekwa kwaambi na kudyuwangigwa kwa Imumu Wanashwe

Vitendo 22:16

Napanelo ulinda nyamani kavili? Takatuka upate ubatisho, madambi ako alivalivigwe utambulanga lina lyake.’

Vabalaniya 10:22

Naivedoni, tuke tummandike Nnungu na ntima waumwiu mukwakikisha kwiu kwalikulupililo mùvenavo mitima vyukíle ndanyunyangiligwa pakulota kutadya atakate makumbukililo akunyata amuntima na mili vyukíle ndaingigwa kwamedi ákave ushapu.

Vaepeshu 5:26

pakulota atadye kuva lyakwilimyanga paushanienge ushapu kwakuukanga na medi kwaindila yalilove

I Vakolintu 6:11

Pakati penu po vanji vavele yadavo kanji muukilé ndaukangigwa, muukilé ndatandegwa mmakwilimyanga, muukilé ndavalangiligwa ishaliya mulina limwe Umu Yesu Klistu na mu Imumu umwe Nnungu wetu.

Maono 7:14

Nangu kushidoni, “Nang'olo, wako ni úmanyite.” Nae doni, “Ava ni avalá vaalakadíle mmauvilo akujowa, vashapénge dikanju dyave mumyadi vya Ngandolo kutwala kuva dyanashwe.

Maono 1:5

na vyakwalakela kumwe Yesu Klistu nshuda wakukulupilika, ntandi kudyuka pakati pavakupela na nkútawala wavaumu vamushilambo. Nae ankutunagwaledya na kwamyadi vyake anditwambola mumadambi etu,

Vakoloshu 2:23

Mwiu ankwaneka kuvanavo limanyilo nkati mukulipudya kwavapanganianga vanu, nkati mukulishapeya na nkati mukuvyauvyanga mili kanji havive mana akwimidya kunagwaledya kwamalotelo ashimunumunu.

Vakoloshu 2:18

Hamunanneke munu ampoka lidaka lyenu kwakupuwangila namene mukulishapeya na mukulipudya kwavanjelo, atadolyatadolya avilá vyagwene na alitumbudyatumbudya mumakumbukililo ake ashimunumunu.

Nshuwau 3:5

Yesu kunjang'ula, “Ninkukwaulila mwiu mwiu, munu akanavalekwa kwamedi na Imumu haulula kwinjila muutawala wa Nnungu.

Mateu 26:33

Patulu kutwala kushidoni, “Ata ikava kenga vavangu ava uti vandakuleka, nangu mwiko handikuleka!”

Mateu 21:29

Mwana jo kutwa kwita, ‘Hangutamwa,’ kanji ling'oto andílilingulanga muntima mwake kutwala kuka.

Mateu 26:35

Patulu do, “Ata ikava yakupela namu wako, nangu mwiko handikukana.” Kutwala vakwoda vake vanji uti kutangalela momo.

Mateu 16:22

Patulu akanshamela Yesu kwagweka kutwala kunduma, “Umu, ata padyoko! Shinu asho hashikutandeka.”

Nshuwau 13:6

Ankuwika pamwe Simoni Patulu, Patulu jo ankushidoni, “Nang'olo, wako ulota kunavyanga madodo angu?”

Nshuwau 13:9

Simoni Patulu kushidoni, “Bai nang'olo, hanave madodo gweka kanji makono na muti wangu uti momo.”