Nshuwau 13:22 - Ibibiliya mu Shimakonde Imbodi Yaambi na dimbande dya Imbodi Yakala

²² Vakwoda vake vandílalana shivenevene vaambabidyania nyani washimwamba.

Nshuwau 13:22 Referans Kwoze

Lukashi 22:23

Bai vanavo vandyúdyania, “Apali apa wakutenda shitendo asho?”

Malukushi 14:19

Vanavo vandítunduvanga kuvanavo shipalodi kula munu amudya nae doni, “Da nangu?”

Mateu 26:22

Vakwoda vake kutwala kuvaida shipalodi shoe namene na kutunduvanga kudya vaashidoni, “Nang'olo, da nangu apa?”

Mateu 26:21

Akuno valya kutwala kuvaulila doni, “Ninkumwaulila mwiu doni, pakati penu jumo anangulimya.”

Malukushi 14:18

Napanelo vàvele pandamu valya, Yesu andítangola kushidoni, “Ninkumwaulila mwiu doni, munu jumo pakati penu álya namu nangu, anangulimya.”

Lukashi 22:21

“Kanji mwe! Namalimya álota kungulimya nangu, apali namu nangu po pandamu apa.

Nshuwau 13:18

“Nangu namwamba shinu mwenu uti; ndivamanya avalá vandivatandwele kanji ni pakulota awikile popo Maandiko, ‘Aijá áshilya namu nangu andijalukanga kuva mmongo wangu.’

Nshuwau 13:21

Bai akatangole malove alo, ntima wake uníntindinganianga kutwala kumya ushuda aashidoni, “Ninkumwaulila mwiu mwiu, pakati penu apali álota kungulimya.”