Nshuwau 13:21 - Ibibiliya mu Shimakonde Imbodi Yaambi na dimbande dya Imbodi Yakala

²¹ Bai akatangole malove alo, ntima wake uníntindinganianga kutwala kumya ushuda aashidoni, “Ninkumwaulila mwiu mwiu, pakati penu apali álota kungulimya.”

Nshuwau 13:21 Referans Kwoze

Mateu 26:21

Akuno valya kutwala kuvaulila doni, “Ninkumwaulila mwiu doni, pakati penu jumo anangulimya.”

Nshuwau 13:18

“Nangu namwamba shinu mwenu uti; ndivamanya avalá vandivatandwele kanji ni pakulota awikile popo Maandiko, ‘Aijá áshilya namu nangu andijalukanga kuva mmongo wangu.’

Malukushi 14:18

Napanelo vàvele pandamu valya, Yesu andítangola kushidoni, “Ninkumwaulila mwiu doni, munu jumo pakati penu álya namu nangu, anangulimya.”

Nshuwau 12:27

“Napanelo ambi apa ungumi wangu unkwangaikanga. Da ngushi dashi? ‘Atata, muwakati au ngwambola’? Mene, shangwidilile muwakati au ni shosho ashi.

Nshuwau 11:33

Yesu pangwene Maliya alila na vayuda vamwodíle navanavo momo valila, unímmeta ntima wake na vyakunkodya muntima mwake viníntindinganianga.

I Nshuwau 2:19

Vanavo vandilyumadyanga pakati petu kanji havavéle vetu wetu mwaa leka vàvele vetu wetu vakandipagwa namu wetu kanji vanavo vandilyumadyanga pakulota imanyike ngala kenga pakati pave wetu wetu hapagwíte ata jumo.

Vitendo 17:16

Paulu pashivalindila vanavo ku Atena, ntima wake ushinanshanona mwaa wakwona likaja lya Atena kuumbalanga mashinamu avannungu.

Nshuwau 13:2

Napane valya shakulya shalyulo, Ndamoni àvikile muntima umwe Yudashi mwanagwe Simoni Shikaliyote shabaa yakunnimya

Nshuwau 11:38

Napanelo Yesu akuno ummeta ntima wake kavili, andyúka kulikabuli. Likabuli alyo livele ntupa na vandídiva lijanga.

Nshuwau 11:35

Yesu andyúmadyanga myodi.

Malukushi 3:5

Akavalole vanu uti vantang'anadídye avalá kwashitundi akuno àvenavo shipalodi shoe kwamwaa wakunanopa mitima vyave, nae kumwaulila munu jo doni, “Nyalodya nkono wako!” Nae kunyalodya kutwala nkono kuujila kuva ungumi.

Mateu 26:38

kutwala kushidoni, “Ungumi wangu unkuvanavo shipalodi shakutadya kupela. Mwenu ikalanga popo apa, mupimile namu nangu.”

Nshuwau 13:22

Vakwoda vake vandílalana shivenevene vaambabidyania nyani washimwamba.