Nshuwau 12:27 - Ibibiliya mu Shimakonde Imbodi Yaambi na dimbande dya Imbodi Yakala

²⁷ “Napanelo ambi apa ungumi wangu unkwangaikanga. Da ngushi dashi? ‘Atata, muwakati au ngwambola’? Mene, shangwidilile muwakati au ni shosho ashi.

Nshuwau 12:27 Referans Kwoze

Nshuwau 12:23

Yesu ankuvajang'ula doni, “Wakati wakupata Mwana Wamunu lishangelo, undiwika.

Vabalaniya 5:7

Yesu mumaduva anamile mushilambo amu, andílyumya mukushwali na mukujugwangila annamadikila pashanya po akuno alila anjugwa aijá áulula amwambole mukupela kutwala nae kumwigwa mwaa wakunjopa Nnungu.

Nshuwau 13:21

Bai akatangole malove alo, ntima wake uníntindinganianga kutwala kumya ushuda aashidoni, “Ninkumwaulila mwiu mwiu, pakati penu apali álota kungulimya.”

Mateu 26:42

Nae akauka kavili mwanda wambili kutwala kushwali aashidoni, “Atata, ikava kenga hayululika luwene alu kunyema bila kukumbila nangu, bai ive mo mwaulatela wako umwene.”

Vabalaniya 2:14

Doni, pakuva vana ava vankuvanavo mavalelo ashimunu, nanae momo andíliinjidyanga mumavalelo ashimunu pakulota kwaindila yakupela, andime aijá ávenavo lyululilo lyakupedya yani Ndamoni;

Lukashi 22:44

Yesu nkati mukuvauvanga kwake, andíshwali na dimongo namene na lyuduku lyashuma ligwilangila pai kuva kenga matweni makumene amyadi.]

Nshuwau 18:37

Pilatu kutwala kushidoni, “Bai wako po, umu!” Yesu akajang'ula, “Wako ni úvalanganga. Kwakutangola mwiu ndivalekwa kwamwaa au na kwamwaa wowo ndida mushilambo amu pakulota ngumye ushuda kwaumwiu. Uti avalá vaumwiu, vankwigwa lidi lyangu.”

Lukashi 22:53

Nangu panishipagwa ngwengwe namu mwenu mwing'ande ya Nnungu, mwenu hamunguungile. Kanji au ni wakati wenu, wakati wamadalaka akushii.”

I Timoti 1:15

Shitangodi ashi ni shakukulupilika na shindivaikila shiitikiligwe: doni, Klistu Yesu andida mushilambo ndavaambola vakutega, pakati pavakutega avo, nangu po, ni ngumamadidye.

Nshuwau 11:41

Bai vanavo vandyúsha lijanga lyo Yesu kunyanyula shilaka kutwala kushido, “Atata, ninkukulambwalela mwaa uningwigwilila.

Mateu 11:25

Napanelo muwakati awo Yesu andítangola kushidoni, “Ninkukulambwalela Atata, Umu wakuwa na pai, pakuvapiyanga vinu avi vanu valimanyilo na valipundishídye kuvalodya vanu vila.

Mateu 11:26

Elo Atata, mwaa amu ni momo mwaulatalele umwene.

Mateu 26:45

Bai ankuujila kwavakwoda vake kutwala kushidoni, “Da mpaka ambi munkulala? Doni po munkupumula? Mwenu, undiwika wakati wavalota kunkamudya Mwana Wamunu kumakono kwavakutega.