Nshuwau 11:57 - Ibibiliya mu Shimakonde Imbodi Yaambi na dimbande dya Imbodi Yakala

⁵⁷ Doni, vanang'olo vavakulangalalela-shadaka pamo na mapalishayo vandyúmya lilamulo lyakulota munu ámanyite lyutu lyavele Yesu, avalangange kwambangidya vakankamule.

Nshuwau 11:57 Referans Kwoze

Nshuwau 10:39

Bai vayuda vandílingangila kavili kunkamula kanji nae andívativaniva.

Nshuwau 9:22

Vatatavake vo vandíjang'ula davo mwaa wakuvajopa vananangalaledi vavayuda. Doni, vananangalaledi vo vandípakanila pakulota munu woewoe álota kummalanganga Yesu kuva Klistu vammingange pashitala shakulipudidya.

Nshuwau 8:59

Napavedoni vayuda vandílakatanga majanga pakulota vamwamange, Yesu kanji kutivaniva kutwala kuma mwing'ande ya Nnungu.

Nshuwau 11:46

Napane vyovyo vyo, vanji vandyúka ndavalanganga kwamapalishayo.

Nshuwau 11:47

Vanang'olo vavakulangalalela-shadaka pamo na mapalishayo vandíikala nguguvale kutwala kushido, “Na wetu apa shipali shatwamba? Munu aju ankulodya vimanyikilo vyoe namene.