Nshuwau 11:26 - Ibibiliya mu Shimakonde Imbodi Yaambi na dimbande dya Imbodi Yakala

²⁶ Kula munu ánama na ángukulupila nangu, mwiko hapela. Dashi wako unkukulupila malove ala?”

Nshuwau 11:26 Referans Kwoze

Nshuwau 10:28

Avalá vangwóda nangu, ninkuvapa shingumi shíkamalilika, vovo vo mwiko havajaika na hapali wakungupoka mmakono mwangu.

Valoma 8:13

mwaa ikava kenga mwenu munkunama kwodananavo shimunumunu, mundapela kanji kwa Imumu mukatadya kupedya vitendo vyamili, mundanama.

Nshuwau 5:24

“Nangu ninkumwaulila mwiu mwiu doni, aijá áigwilila lilove lyangu na kunkulupila aijá ángutumididye, ankuvanavo shingumi shíkamalilika. Munu aju hanaukumigwa shinu, tayali vandimumya mukupela kummika mushingumi.

Nshuwau 14:10

Da wako po haunakulupila shinu kenga nangu ninkupagwa nkati mumwe Atata na Atata kupagwa nkati mwangu nangu? Malove animmalangangila hanava shinu akubuni nene nimwene; Atata ápagwa nkati mwangu ni átandedya vinu vyake avi.

Nshuwau 4:14

kanji aijá álota kukumbila medi angulota kumupa nangu mwiko hainkola shinu kavili inyota. Medi angulota kumupa nangu lo andatadya nkati mwake mupandukange libububu lyamedi akumukanga auka kushingumi shíkamalilika.”

Mateu 9:28

Akainjila nng'ande, vakuputala mevo vo kummandika nae kuvaudya, “Mwenu munkukulupila mwiu kenga nangu ninkuulula kumwangangola?” Vanavo do, “Elo nang'olo.”

Nshuwau 9:35

Napanelo Yesu akaigwa do, munu wampatiidye kulola aijá vanimminganga mushitala shakulipudidya. Akankodye andímudya, “Da wako unkunkulupila Mwana Wamunu?”

Malukushi 9:23

Yesu kushidoni, “Ukaulula? Vinu uti vinkuululika kwa aijá ákulupila.”

Mateu 26:53

Da nangu naulule kunjugwangila Atata kutwala nae kutumididyanneu dimbumba dyavanjelo vaing'ondo dyakupunda kumi na mbili?

Nshuwau 6:47

Nangu ninkumwaulila mwiu mwiu doni, aijá ákulupila ankuvanavo shingumi shíkamalilika.