Nshuwau 10:33 - Ibibiliya mu Shimakonde Imbodi Yaambi na dimbande dya Imbodi Yakala

³³ Vayuda kushidoni, “Wetu hatunalota shinu kukwamanga majanga kwamwaa washinu shoeshoe shambone shautandile, ni kwamwaa wakukupulu. Wako umunu, napane unkulivika kuva Nnungu.”

Nshuwau 10:33 Referans Kwoze

Nshuwau 5:18

Bai kwamwaa wamalove ala vayuda vashindamamodya kulambela mwakummalididya Yesu, i kwamwaa wakutimbanga liduva lyakupumula gweka kanji namomo yakunshema Nnungu tatake alilinganianga jo mwene na Nnungu.

Nshuwau 10:30

Nangu namu Atata tunkuva shinu shimo.”

Vapilipo 2:6

Nae, ata ikava kenga mumavalelo ave Nnungu, hagwene yakulinganana na Nnungu kuva shinu shakung'ang'anikila

Valoma 13:1

Kula munu alivike mwina mwavamadalaka avalá vatawála mwaa hapali madalaka apagwíte ákaalakadile kumwe Nnungu na madalaka uti apagwíte, apangiké namu Nnungu.

Nshuwau 10:24

Vayuda vaníntang'anedya kutwala kumudya, “Ulota kutuleka mudiwashiwashi mpaka duvani? Ikava kenga wako ni Klistu, twaulila ngala.”

Nshuwau 10:32

Yesu kushidoni, “Nditenda vinu vyoe vyambone vyakwalakela kumwe Atata pamevo penu. Napanelo pakati pavinu avyo, shakwashi shamulota mungwamangile majanga?”

Nshuwau 19:7

Vayuda vandíjang'ula, “Wetu tunkuvanavo lilamulo na kwodananavo lilamulo ali, nae inimmaikila apele mwaa andilivalanga kuva Mwana wa Nnungu.”