Nshuwau 1:45 - Ibibiliya mu Shimakonde Imbodi Yaambi na dimbande dya Imbodi Yakala

⁴⁵ Jo Pilipo jo ankunkodya Nataniyele ankumwaulila doni, “Tunimpata munu wamwandike Musha mu Lilamulo na yadavo Vakulava, Yesu wa ku Nashaleti, mwanagwe Yoshe.”

Nshuwau 1:45 Referans Kwoze

Lukashi 24:27

Bai nae mumaandiko uti andíviigwiniya kutunduvangila kumwe Musha na kwavakulava vinu vimwámba nae.

Mateu 2:23

ndaikala panjini umo wavashema Nashaleti pakulota liwikile popo lilove litangaléke kwaindila yavakulava doni, “Vananshema kuva Nnashaleti.”

Lukashi 24:44

Kutwala kuvaulila doni, “Vitandéke avi ni avilá vyanishipita nimmalangangila mwenu tùvele shalumo kenga indivaikila vinu uti vyandikígwe mu Lilamulo lyake Musha, mu Vakulava na mu Dimu vingwámba nangu, vitandeke.”

Lukashi 4:22

Vanu uti vashindamwimyanga na vashinanshanga vyambone vyashitangola kutwala kushidoni, “Da aju i jo mwanagwe Yoshe aju?”

Nshuwau 18:7

Nae kuvaudya kavili, “Da munnambela nyani?” Vanavo doni, “Yesu wa ku Nashaleti.”

Malukushi 6:3

Na aju i jo nkúveda mwanagwe Maliya, nkulugwe Tiyagu, Yoshe, Yudashi namu Simoni? Da valumbuvake i ava vavéle namu wetu apa?” Vanavo mwaa wake nae ishindavanyatila.

Mateu 21:11

Imbumba yavanu kutwala kushidoni, “Aju ni aijá nkúlava, Yesu wa ku Nashaleti ya ku Galileya.”

Vitendo 22:8

Nangu kudya, ‘Da wako nang'olo unyani?’ Nae kushidoni, ‘Nangu Yesu munashaleti, jo waumpapata wako jo.’

Vitendo 10:38

mwashi mwampakidile mauta Yesu wa ku Nashaleti kwa Imumu Wanashwe na dimongo kutwala nae kuwena atandedya wambone apita avaponia vanu váshitawaligwa na Ndamoni mwaa Nnungu andípagwa namu nae.

Nshuwau 21:2

mulyutu alyo vandípagwa pamo Simoni Patulu, Tome áshimanyika Didimu, Nataniyele wa ku Kanaa ya ku Galileya, vanavake Shebedeu na vakwoda vanji vavili.

Lukashi 2:4

Napanelo Yoshe dadavo andyúma ku Galileya palikaja lya pa Nashaleti kwambokela ku Yudeya kuka kwavo Daudi ku Beteleemu mwaa Yoshe avele washipinga shaudukulu umwe Daudi.

Malukushi 14:67

Pangwene Patulu ajota moto, anínnola kutwala kushidoni, “Nawako momo undípagwa pamo namu Nnashaleti Yesu.”

Mateu 13:55

Aju da i jo mwanagwe nkúveda aijá? Anyoke aju i Maliya? Vanung'unuvake i Tiyagu, Yoshe, Simoni, namu Yudashi?

Vitendo 26:9

Ata nangu momo nishindakumbukila kutumila dindila dyoedyoe divaikidíle pakulota ngutimbange ntenga umwe Yesu, munu wa ku Nashaleti.

Vitendo 3:6

Kanji Patulu kushidoni, “Hanguve njuluku kanji sho shanguvenavo sho ndakupa; palina limwe Yesu Klistu wa ku Nashaleti, takatuka uwene!”

Vitendo 2:22

Patulu kutwala kuka mushu aashidoni, “Mmanaishilaeli ngwigwa! Yesu nnashaleti, munu áakikishigwe pamevo penu kwavyamakango, vyakutikinikanga na vimanyikilo vyatandile Nnungu kwenu mwenu kwaindila yake nae kwodananavo mwamumanyilile mwemwe mmene,

Nshuwau 19:19

Napanelo Pilatu kwandika malove mulibau kuka ndakamela panshalaba; malove alo aandike doni, “Yesu Nnashaleti, Umu Wavayuda.”

Nshuwau 18:5

Vanavo, “Yesu wa ku Nashaleti.” Yesu kushidoni, “Ni nangu apa.” Bai Yudashi aijá namalimya andípagwa pamo na vanavo.

Nshuwau 6:42

Vanavo vandítangola vaashidoni, “Da aju i Yesu mwanagwe Yoshe? Tatake na anyoke, wetu tundivamanya. Napanelo atangola dashi doni, ‘Ngwaleké kuwa’?”

Lukashi 3:23

Napanelo Yesu patunduvenge shimadengo shake àvenavo vyaka salasini vyaulinga vammanya kuva mwanagwe Yoshe kenga mwavashikumbukilila, Yoshe aju kuva mwanagwe Yeli,

Mateu 10:3

kwida Pilipo namu Balutolomeu, naida Tome namu Mateu aijá nkúkatisha-ukodi, naatika Tiyagu mwanagwe Alupeu namu Tadeu,

Lukashi 2:48

Tatake na anyoke pavangwene, vandíshanga kutwala jujumunu kushidoni, “Mwanangu, mwaa shani unditutenda davo? Shapo lola, nangu pamo na tatako tundidumbadumba tukulambela.”

Nshuwau 1:44

Pilipo avele mwenentete wa pa Beteshaida likaja limwe Andaleya namu Patulu.

Nshuwau 6:5

Yesu pamyangamyenge akona imbumba yavanu immandika nae kumudya Pilipo, “Tushuma kwashi magung'u akuvatosha vanu ava valye?”

Nshuwau 6:7

Pilipo kujang'ula doni, “Ata magung'u adinali dimiya mbili hayulukika kuvatosha vanu ava, kula munu apate kadonji.”

Nshuwau 12:21

Vovo vo, vandímuukila Pilipo munu wa ku Beteshaida ya ku Galileya nanjugwa doni, “Nang'olo, wetu tulota tumwone Yesu.”

Nshuwau 14:8

Pilipo kushidoni, “Nang'olo, Tatamunu jo, bai tulodya itunagwele.”

Lukashi 18:37

kutwala vanu kumwaulila doni, “Yesu wa ku Nashaleti ankupita.”