Nshuwau 1:44 - Ibibiliya mu Shimakonde Imbodi Yaambi na dimbande dya Imbodi Yakala

⁴⁴ Pilipo avele mwenentete wa pa Beteshaida likaja limwe Andaleya namu Patulu.

Nshuwau 1:44 Referans Kwoze

Nshuwau 12:21

Vovo vo, vandímuukila Pilipo munu wa ku Beteshaida ya ku Galileya nanjugwa doni, “Nang'olo, wetu tulota tumwone Yesu.”

Mateu 11:21

“Upambale wako Kolashimu! Upambale wako Beteshaida! Makango atandéke kwenu leka àtandeke ku Tilu namu ku Shidoni, vanavo doni vàlijugulenge tangu kala. Doni vàlitaenge maguni na vàpakalenge liu.

Lukashi 10:13

Upambale wako Kolashimu! Upambale wako Beteshaida! Leka ku Tilu namu ku Shidoni àtandeke makango atandéke kwenu mwenu, vanavo doni vàlijugulenge kaladavo, valitaanga maguni, kulipakanga liu valilodya kulijugulanga kwamadambi ave.

Lukashi 9:10

Napanelo vamyombe vake avalá pavaujite vanímmalangangila uti vinu vyavatandile. Kutwala apo Yesu andívaukanavo nkono wakunjini wa Beteshaida vanyema padyoko.

Malukushi 8:22

Vanavo vakauka ndawika pa Beteshaida. Pavawikile, vankumwidanavo kumwe Yesu munu jumo wakuputala mevo kunjugwangila ammikile makono.

Malukushi 6:45

Yesu kutwala kuvakanyalidyangidyanneu vakwoda vake vakwalange mwingalava vauke valangalela litanda nkono unji yani ku Beteshaida vanneke nae alaila imbumba yavanu.

Malukushi 3:18

kwida Andaleya, Pilipo, Balutolomeu, Mateu, Tome, kwatika Tiyagu mwanagwe Alupeu kwida Tadeu ndaida Simoni wa ku Kanaa

Mateu 10:3

kwida Pilipo namu Balutolomeu, naida Tome namu Mateu aijá nkúkatisha-ukodi, naatika Tiyagu mwanagwe Alupeu namu Tadeu,

Vitendo 1:13

Vanu avo, yani Patulu, Nshuwau, Tiyagu namu Andaleya, kwida Pilipo, Tome, Balutolomeu namu Mateu, kwatika Tiyagu mwanagwe Alupeu, Simoni aijá Shelote namu Yudashi mwanagwe Tiyagu, pavawikile nkaja amulá vandyúka ndainjila mushumba shavawikidíle shapashanya ulungu.

Lukashi 6:14

Vanu avo vavele ava: Simoni washilota kumupa Yesu lina lya Patulu, Andaleya nung'une jo Patulu, Tiyagu namu Nshuwau, Pilipo, Balutolomeu,

Nshuwau 1:43

Palyamba lyake Yesu andyámuwa kuujila ku Galileya. Napanelo ankumwona Pilipo ankumwaulila doni, “Ngwoda!”

Nshuwau 1:45

Jo Pilipo jo ankunkodya Nataniyele ankumwaulila doni, “Tunimpata munu wamwandike Musha mu Lilamulo na yadavo Vakulava, Yesu wa ku Nashaleti, mwanagwe Yoshe.”

Nshuwau 1:46

Kutwala Nataniyele kumudya Pilipo doni, “Ku Nashaleti kunkuululika kwaloka shinu shambone?” Pilipo kushidoni, “Ida ulole.”

Nshuwau 1:48

Nataniyele kumudya, “Ungumanyidilé kwashi?” Yesu kushidoni, “Ata Pilipo akanava kukushema, wako ùvele mwina nkungu, nangu ndíkwona.”

Nshuwau 6:5

Yesu pamyangamyenge akona imbumba yavanu immandika nae kumudya Pilipo, “Tushuma kwashi magung'u akuvatosha vanu ava valye?”

Nshuwau 6:7

Pilipo kujang'ula doni, “Ata magung'u adinali dimiya mbili hayulukika kuvatosha vanu ava, kula munu apate kadonji.”

Nshuwau 12:22

Pilipo ankuka ndamwaulila Andaleya kutwala uti vavili, vankuka ndamwaulila Yesu.