Mateu 9:38 - Ibibiliya mu Shimakonde Imbodi Yaambi na dimbande dya Imbodi Yakala

³⁸ Napavedoni mwenu njugwe mwene mapuno pakulota avatumidye vamadengo mumapuno ake.”

Mateu 9:38 Referans Kwoze

II Vateshalonika 3:1

Kumwisho akuno mmanung'unumunu, tushwalidya wetu pakulota lilove limwe Umu lyandavale shipajelo na lipate ishima kenga mwaitandakadile pakati penu

Vitendo 13:2

Muliduva limo vakwoda uti valipudya kumwe Umu na vàvele mukunga, Imumu Wanashwe andívaulila kushidoni, “Mwapule Balinaba namu Saulu vauke vakakole madengo anivashamadile.”

Nshuwau 20:21

Napanelo Yesu andívaulila kavili kushidoni, “Amani ipagwe namu mwenu! Kenga mo mwangutumidididye nangu Atata, nanangu ninkuntumidya mwenu.”

Vitendo 8:4

Napanelo avalá vamwadilikanénge vashindauka vavalanganga lilove.

Vaepeshu 4:11

Ni jojo ávapele vanji kuva vamyombe, vanji kuva vakulava, vanji kuva vakuvalanganga ntenga, vanji kuva vashungaji na vanji kuva vamwalimu

I Vakolintu 12:28

Ivédoni, muliganisha Nnungu andivavika shitandi vamyombe, shambili vakulava, shantatu vamwalimu kwatika vatandédya vyamakango, vavénavo vyajo vyakuponia, vyakupwashela, vyakulangalalela na vyadinangodi dyakuvilingananga.

Mateu 9:37

Napavedoni andívaulila vakwoda vake doni, “Mwiu mapuno avé oe napane vamadengo vavé padyoko.

Nshuwau 4:35

Da shi vanu vandátangola doni, ‘Vibakidile myedi nsheshe kuwika wakati wamapuno’? Napane mwenu, nangu ninkumwaulila doni, ng'amula mevo enu, mulole mmagwelu mo! Vinu vinditandeka pakulota kupunigwa.