Mateu 9:33 - Ibibiliya mu Shimakonde Imbodi Yaambi na dimbande dya Imbodi Yakala

³³ Pavakumulenge lijini lyo, bubu jo kutangolenneu. Dimbumba dyavanu dindíshanga kutwala kushidoni, “Shitendo kenga ashi hashinava kwaneka akuno ku Ishilaeli!”

Mateu 9:33 Referans Kwoze

Lukashi 11:14

Napanelo Yesu anínkumulanga lijini bubu mumili mwamunu jumo. Lijini jo paumile bubu kutunduvanga kutangola, imbumba yavanu ni kushanga doni.

Lukashi 7:9

Yesu akaigwe malove ala, anínshanga munu ajo; nae kushiliuka kutwala kwaulila imbumba yavanu íshimwoda kushidoni, “Ninkummanyiya ngala doni, ata mo muvanaishilaeli, hangunava kukodya likulupililo kenga ali.”

Malukushi 2:12

Bai nae kutakatuka kutwala ligadolo lyake kuma vanu uti vamwona kutwala vovo vo kushanga na kumupa lishangelo Nnungu vaashidoni, “Wetu shinu ashi, mwiko hatunava kwona.”

Mateu 8:10

Yesu paigwite malove ala andíshanga na andívaulila avalá váshimwoda kushidoni, “Ninkumwaulila mwiu doni, ku Ishilaeli akuno hangunava kumwona munu walikulupililo kenga aju.

Mateu 9:32

Vovo vo vauka, mwe! Vanu vakamwidanavo munu jumo bubu walijini.