Mateu 8:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ Muwakati wayalyulo vanu kuvaidanavo kumwe Yesu vamajini voe. Nae majini lo, kwalilove lyake andíkumulanga namomo valwele uti andívaponia.

Mateu 8:16 Referans Kwoze

Lukashi 4:40

Napanelo liduva palishwele vanu uti ve vavénavo valwele vavilwele vyakuvilingananga vashindavaidanavo kumwe Yesu. Nae ashinammikila mikono kula munu kutwala kuvaponia.

Mateu 14:14

Yesu akashuluka mwingalava, nae kwona dimbumba dyavanu adilá, kwanangila shididi kutwala kuvaponia valwele uti pakati pave.

Vitendo 5:15

Kwodana na vitendo avyo, venentete vashindavaumya valwele muding'ande kuka ndavaladya mudigoli na mmakande kulangele pakulota Patulu papita kananga shimbedi vela ashi shiviinikidye.

Malukushi 5:8

Andíjugwa davo mwaa Yesu anínnamulila lijini jo doni, “Wako lijini nshapu, mumili mwamunu ajo, kuma!”

Mateu 12:22

Napanelo vanu vandímwidanavo kumwe Yesu munu jumo walijini, wakuputala mevo na bubu nae kumponia, munu jo kutangola na kulola.

Malukushi 2:3

Popo po kuwika vanu nsheshe vannyukete munu adidiménge madodo.

Mateu 9:2

Mwe! Popo po, vanu kumwidanavo munu wakudidimanga mili vànadidye mwigoli. Yesu pagwene likulupililo lyave, andímwaulila wakudidimanga jo kushidoni, “Mwanangu lyunge ntima! Madambi ako andilivalivika.”

Malukushi 9:25

Napanelo Yesu pagwene iminga yavanu yumbalanila anínshulanga lijini nshapu jo kushidoni, “Wako lijini bubu na úkaigwa, nangu ninkukulamulila kuma mumili mwandyoko aju na haunainjile kavili!”

Mateu 8:33

Avalá vakushunga-dinguluve vandyúma vatukuta kuka kukaja ndavalanganga uti vinu vitandéke na vivatandéke avalá vanu vamajini.

Mateu 8:15

nae kunkwaa mmakono, mili wo kuponenneu kutakatuka kutunduvanga kuntumika.

Lukashi 4:41

Namomo majini ashindaumananga mumili mwavanu voe akuta aashidoni, “Wako, umwana wa Nnungu!” Nae ashindavashulanga, hashivaleka vatangola mwaa vanavo vanímmanya doni, nae avele Klistu.

Lukashi 13:12

Yesu akamwone anínshema kutwala kushidoni, “Namwana, undyambolegwa mushilwele shako!”