Mateu 6:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ “Napanelo pamushwali hamunave kenga avalá vanu vamalambi. Vanavo kuvanagwela kushwali vaimidile muvitala vyakulipudidya na nanyenje dibalabala pakulota vaaneke kwavanu. Ninkumwaulila mwiu doni, vovo vo tayali vandipata inudyo yave.

Mateu 6:5 Referans Kwoze

Mateu 6:2

Napavedoni paumya lipwashalelo haunaambele lipalapanda kenga mwavatandela vanu vamalambi muvitala vyakulipudidya na mudibalabala valota vapate lishangelo kwavanu. Ninkumwaulila mwiu doni vanavo tayali vandipata inudyo yave.

Lukashi 18:13

Kanji nkúkatisha-ukodi andíimila kushu na pakanyanyulila shilaka kuwa; nae ashindalikanyalanga pantima aashidoni, ‘Nnungu, ngwanangila shididi nangu ninkutega.’

Malukushi 11:25

Pamushwali, shikapagwa shinu muntima mwako na munumwavo, nnivalive pakulota Tatagwenu ávele kuwa nanae annivalive kupujungula kwenu.”

Lukashi 20:47

na vapita vavalyangila vanamwili vyavo valishang'apila kuva vanu shii vatenda delee, pakushwali. Vovo vo, vandapata ukumu yakujowa kupunda apo.”

Tiyagu 4:6

Ila nae ankutuumbadya umonyo namene kenga mwatangalela Maandiko, “Nnungu ankuvapinga vakulyona kanji ankuvapa umonyo avalá valishapéya.”

Lukashi 18:1

Napanelo nae andíkong'a nkong'o avamanyiya vakwoda vake vashwalye ngwengwe pavakaujila kunyuma

Vaepeshu 6:18

Kwakula inamuna yakushwali na kujugwa, shwali kula wakati mu Imumu. Kwadoni, ava mevo mulipililila uti mushwali muvajugwila vakwilimyanga uti

Lukashi 11:43

Mupambale mwenu mmapalishayo! Mwenu múnagwaledya kwikala mumautu akulikwedya amuvitala vyakulipudidya na múnagwaledya namene kumuudyanga na ishima ing'umene muumbala.

Mateu 21:22

Namomo shinu shamulota kujugwa kwaindila yakushwali, mukakulupila mundapata.”

I Vateshalonika 5:17

Shwali kwabila kudoba.

Nshuwau 16:24

Mpaka ambi apa hashipali shamunjugwile palina lyangu nangu. Jugwa mundapata kwambangidya lipuwilo lyenu liwikile popo.

Malukushi 12:38

Yesu pashipundisha ashitangola doni, “Lilaledye na vamwalimu vadishaliya! Vanavo kuvanagwela namene kugwala mikwakwala muumbala vaudyangigwe na ishima,

Mateu 9:38

Napavedoni mwenu njugwe mwene mapuno pakulota avatumidye vamadengo mumapuno ake.”

Mateu 23:13

“Napanelo mupambale mwenu mmamwalimu mmadishaliya na mmapalishayo. Mmanu mmashinankulaba mwe! Mushalangila maalati utawala wakuwa kwavanu! Mwenu mmene hamunainjila shinu na vainjíla avalá, munkuvaleya.

Mateu 23:6

Muvikukulu kuvanagwela kwikala mumautu aishima na muvitala vyamikodyanio vaikale viteng'u vyamushu.

Mateu 6:16

“Napanelo pamunga hamunalilodye kuva mushipalodi kenga mwavatandela vanu vamalambi. Vanavo vandányadyanyadyanga kumevo valilodye kwavanu kenga vandyunga. Ninkumwaulila mwiu doni, vovo vo tayali vandipata inudyo yave.

Mateu 6:1

“Lishunge pakulota hamunatende vitendo vyenu vyaishaliya pamevo pavanu kwambangidya vyoneke. Mukatenda davo po, Tatagwenu ávele kuwa hamupa shinu inudyo.

Mateu 23:5

“Vovo vo kula shinu shavatenda, ava mandole kwavanu. Ni ashi shivatádya vatumbudye vidingo vyave vyavalyunga na valapeye mapepe adikanju dyave!

Lukashi 6:24

“Kanji mupambale mwenu mmatajili mwaa mundipata tayali kupambadyangigwa kwenu.