Mateu 6:30 - Ibibiliya mu Shimakonde Imbodi Yaambi na dimbande dya Imbodi Yakala

³⁰ Napane ikava kenga maukutu amumwitu anáma jo nelo lunduno kujela pamoto Nnungu ankunnemya, kushi mwenu mmanu mmalikulupililo lidikidiki hannemya kupunda apo?

Mateu 6:30 Referans Kwoze

Lukashi 12:28

Kanji ikava kenga Nnungu ankunemya maukutu amadíle mumwitu alindíla muliduva lyake kujalegwa pamoto; kushi mwenu, mmanu mmalikulupililo lidikidiki, Nnungu annemya kupunda apo?

Mateu 14:31

Yesu kunyaladyedyanneu nkono kunkamula kutwala kushidoni, “Umunu walikulupililo lidikidiki, mwaa shani undyambambidya?”

I Patulu 1:24

Mwaa “Vanu uti vankuva kenga udani, kushenga kwave uti kunkuva kenga induva yaudani. Udani undajuma na dinduva dinanyala,

Mateu 16:8

Yesu amanya makumbukililo ave andívaulila kushidoni, “Mmanu mmalikulupililo lidikidiki, mwaa shani munkutaukananga ing'ano yakumwova magung'u?

Mateu 8:26

Nae kushidoni, “Mwenu mmanu mmalikulupililo lidikidiki mwaa shani munkujopa?” Nae kutakatuka apalá kutangalela shimbunga sho pamo na litanda, vyanavo kulimaladya do, kimyaa.

Nshuwau 20:27

Napane Yesu andímwaulila Tome kushidoni, “Jela shala shako apa, lola manda angu. Nyalodya nkono utwale ujele ndimbau. Haunauke mushu muungakulupila kanji kulupila.”

Malukushi 4:40

Nae kuvaudya vakwoda vake kushidoni, “Mwaa shani mwenu munkujopa namene? Da hamunava kuvanavo likulupililo?”

Vabalaniya 3:12

Lilaledye mmanung'unumunu, hanapagwe munu pakati penu wantima waukalau na waungakulupila untadya aapukananganavo Nnungu mumi.

Lukashi 9:41

Yesu kushidoni, “Shasho! Mwenu ni mmanu múkakulupila na múkamanyikanga! Da nangu ndapagwa namu mwenu ninnaga mpaka duvani? Mwidenavo akuno mwanavo jo.”

Malukushi 9:19

Yesu do, “Shasho! Mwenu mmanu mmaimbula íkakulupila! Da nangu ndapagwa namu mwenu mpaka duvani? Nannaga mwenu mpaka duvani? Bai pane mwidenavo akuno ndyoko jo!”

Mateu 17:17

Yesu kutwala kushidoni, “Mmanu mmaimbula íkakulupila na yakudumbadumba! Da nangu ndapagwa namu mwenu mpaka duvani? Nannaga mwenu mpaka duvani? Mwidenavo apa ndyoko jo!”