Mateu 6:25 - Ibibiliya mu Shimakonde Imbodi Yaambi na dimbande dya Imbodi Yakala

²⁵ “Napavedoni nangu ninkumwaulila hamunaangaikangile shingumi shenu kwa ashilá shamulota kulya kwali shamulota kukumbila na ata mili vyenu kwa ashilá shakulota kugwadya. Da shingumi i shinu shikumene kupunda shakulya na mili i shinu shamana kupunda dinguvo?

Mateu 6:25 Referans Kwoze

Vapilipo 4:6

Hamunangaikange kwamwaa washinu shoeshoe kanji kwakula shinu, kwaindila yakushwali na yakujugwa pamo na kulambwalela, palakedya majugwilo enu kwake Nnungu

I Patulu 5:7

munjalela nae mangaikangilo enu uti mwaa nae ankumwangaikangila mwenu.

Valoma 8:32

Aijá ákammikidile shitete Mwanagwe kanji aninkamudya kwamwaa wetu uti, napane haulula kutupa vinu uti monyo pamo namu nae?

Mateu 6:31

“Bai mwenu hamunaangaikange muushidoni, ‘Tulota kulya nyamani?’, ‘Tulota kukumbila nyamani?’, ‘Tulota kugwala nyamani?’

Malukushi 4:19

kanji mangaikangilo awakati au, lung'unuku lwamali na lwavinu vinji, avyo vindáinjila ndashinya lilove mpaka kutadya mene kupa vyepo.

Mateu 10:19

Napane vakankamudya kwavanavo, hamunajugulange mukumbukila mwakutangalela kwali shakutangola. Shakutangola sho, mundapata muwakati wowo

I Vakolintu 7:32

Nangu ngushindalota mwenu po muve mmakwambolegwa mukwangaikanga. Munu ákalombile aangaikangila vimwe Umu mwashi mwakunnagwalela nae.

Mateu 6:34

Nadoni hamunangaikangile liduva lyalunduno mwaa vyalunduno, vyalunduno. Migagolo vyaliduva limo vinkutosha kwaliduva lyolyo.

II Timoti 2:4

Hapali átumika kenga mwíng'ondo áliinjidyanga mushinamidyo shavenentete mwaa shabaa yake ni kulota innagwele aijá ánshamile.

Lukashi 8:14

Igwilidíle panashilanga inkwitika kuva vanu vaigwilíla lilove lya Nnungu kanji vakaikalanga, mangaiko, mali na ditama dyashinamilo kuvatita dimumu kutwala vyepo vyavo mene kukamala.

Mateu 13:22

Imbeju igwilidíle padimiva ni munu áigwilila lilove kanji mangaikangilo awakati au pamo na lung'unuku lwamali, avyo vindáshinya lilove kutwala nae mene kupa vyepo.

Lukashi 12:11

Mwenu vakamuukanavo kuvitala vyakulipudidya, kwavakutawala na kwavamadalaka, hamunangaikange mulambela mwakulishililididya na mwakutangalela

Malukushi 13:11

Vakantwala vamuukanavo nankamudya, hamunangaikange mulambela mwakujang'ulila. Sho shilóta kumwidila muwakati awo mwenu tangola shosho mwaa i mwenu múlota kutangola ila ni Imumu Wanashwe.