Mateu 6:2 - Ibibiliya mu Shimakonde Imbodi Yaambi na dimbande dya Imbodi Yakala

² Napavedoni paumya lipwashalelo haunaambele lipalapanda kenga mwavatandela vanu vamalambi muvitala vyakulipudidya na mudibalabala valota vapate lishangelo kwavanu. Ninkumwaulila mwiu doni vanavo tayali vandipata inudyo yave.

Mateu 6:2 Referans Kwoze

Mateu 6:5

“Napanelo pamushwali hamunave kenga avalá vanu vamalambi. Vanavo kuvanagwela kushwali vaimidile muvitala vyakulipudidya na nanyenje dibalabala pakulota vaaneke kwavanu. Ninkumwaulila mwiu doni, vovo vo tayali vandipata inudyo yave.

Mateu 6:16

“Napanelo pamunga hamunalilodye kuva mushipalodi kenga mwavatandela vanu vamalambi. Vanavo vandányadyanyadyanga kumevo valilodye kwavanu kenga vandyunga. Ninkumwaulila mwiu doni, vovo vo tayali vandipata inudyo yave.

Nshuwau 5:41

“Nangu lishangelo kwavanu nagambela shinu

Vabalaniya 13:16

Hamunalivalive kutandedya wambone na yakumajananga na vanji avilá vyamuvenavo mwaa kwavyadaka kenga avi, Nnungu inkunnagwela.

Lukashi 20:46

“Lilaledye namene na vamwalimu vadishaliya ivanagwéla kupita vawena vàgwete mikwakwala, ivanagwéla vavaudyange na ishima ing'umene namene muumbala, ivanagwéla kwikala muviteng'u vitandi muvitala vyakulipudidya, ivanagwéla kwikala mumautu shii mmikukulu

Nshuwau 7:18

Munu ánatangola yake jo mwene, alambela alipatile lishangelo jo mwene kanji aijá ánalambela lishangelo kwa aijá ántumididye, aju ni munu waumwiu na jojo jo nkati mwake, ushwang'a haupali.

I Patulu 4:11

Napane átangola jo, atangole malove a Nnungu na átumika jo, atumike kwadimongo dyaloka kumwe Nnungu kwambangidya nkati muvinu uti, Nnungu apate lishangelo kwaindila imwe Yesu Klistu ávaikidile apate lishangelo na lyululilo ngwengwe ngwengwe. Ame.

Vaepeshu 4:28

Áshiva, hanaive kavili ila akole madengo atenda shinu shambone kwamakono ake pakulota dashi, apate ashilá shakumpwashela aijá ákave pashinu.

Vagalata 2:10

ila hatunavalivalile vákave pashinu, ni shinu shanguvikidile namene kuntima na kutandedya.

Vitendo 10:4

Koluneli anínnola ndoo, anjopa kutwala kushidoni, “Da nyamani nang'olo?” Njelo kushidoni, “Kushwali kwako na lipwashalelo lyaunaumya uvapa vamashikini Nnungu inkunnagwela na hanalivaliva shinu.

I Timoti 6:18

Vamanyie vatende wambone, vave matajili mushimadengo shambone, vavenavo ntima wakujaula vava tayali mukujavananga.

Valoma 12:8

kwali shakwing'a ntima shii, mukwing'a ntima shii, kwali shakujaula, kwantima, kwali shakulangalalela, kwaidukuduku, kwali shakulodya shididi, kwalipuwilo.

Vitendo 24:17

“Ling'oto lyakupita vyaka vyoe ngùvele muvilambo vinji, ni panguujite kwida pa Yelusalemu ngwidanavo lipwashalelo kwavakave pashinu muvenentetemwangu namomo ngutenda shadaka.

Vitendo 10:31

kutwala kushidoni, ‘Koluneli, kushwali kwako ngwengwe Nnungu ankwigwa na lipwashalelo lyako lyaunaumya uvapa vamashikini hanalivaliva shinu.

Vitendo 10:2

Munu aju pamo na vanu uti vapaing'ande yake vandyálala mitima na vashindanjopa Nnungu; nae ashindavapa lipwashalelo lyoe vamashikini na ashindashwali ngwengwe kwa Nnungu.

Vitendo 9:36

Napanelo panjini wa Yope andípagwa nkongwe jumo nkwóda walina Tabita, lina lyavashema mushigalegu Dolakashi, nae avele wavitendo vyambone na ashindavapwashela vamashikini.

Nshuwau 13:29

Kwoda Yudashi avele munu áshiwenanavo lipeta lyanjuluku, vanji vashona kenga amwaulila auke akashume vinu vilotéka pashikukulu kwali auke akavajavile vinu vákalyulula.

Nshuwau 5:44

Mwenu mulota kukulupila dashi ikava kenga munkuupana lishangelo shivenevene na lishangelo lyalakéla kwa Nnungu ávele jumo jojo, hamunalambela shinu?

Lukashi 6:42

Ùmwaulila dashi nung'unumunu, ‘Shate nikushe shikoko shivéle muliu mwako,’ wako likangolo livéle muliu mwako, ùkaulula kwona? Umunu wamalambi davo gwe! Shitandi usha likangolo livéle muliu mwako kutwala apo undalola shana pakulota ushe shikoko shivéle muliu lyanung'unumunu.

Malukushi 12:39

muvitala vyakulipudidya kwikala muviteng'u vyamushu na muvikukulu kuvanagwela mumautu aishima.

Pilemoni 1:7

Mwaa linagwaledyo lyako liningupa lipuwilo likumene na kungupambadyanga pakuva mitima vyavakwilimyanga vindididimigwa kwaindila yako wako nung'unumunu.

I Vateshalonika 2:6

na ata tulambela lishangelo lyavanu, ata lyenu na ata lyavanu vanji

Vitendo 11:29

Bai vanavo vandyámuwa kula nkwóda atumidye lipwashalelo kwodananavo shilinga shalyulula kwavanung'unumunu va ku Yudeya.

Lukashi 13:15

Umu kutwala kushidoni, “Mmanu mmashinankulaba mwe! Apali munu pakati penu ákananshimulila ng'ombe wake kwali punda wake muliduva lyakupumula kuka nankumbidya medi?

Lukashi 12:56

Mmanu mmashinankulaba mwe! Mwenu munkumanya kwaulangila vimanyikilo vyamushilambo na vyakuwa kanji mwaa shani hamunaulula shinu kwaulangila wakati au watuvele?

Lukashi 12:33

Shulushanga uti vyamuvenavo njuluku wo, muvape vamashikini! Likandyangidye mapeta ákapapukanga na mali ákapunguka kuwa; kwanavo nkwíva hanapita na ushwa haupali.

Lukashi 11:43

Mupambale mwenu mmapalishayo! Mwenu múnagwaledya kwikala mumautu akulikwedya amuvitala vyakulipudidya na múnagwaledya namene kumuudyanga na ishima ing'umene muumbala.

Lukashi 11:41

Laledya shana vinu vyammitima vyenu kenga mo mwamunanaliyangidya shadaka shakuvapa vamashikini, mundona mwiu mundava mmakutakata.

Lukashi 6:24

“Kanji mupambale mwenu mmatajili mwaa mundipata tayali kupambadyangigwa kwenu.

Malukushi 7:6

Yesu kushidoni, “Nkúlava Ishaiya andivalanganga shana vyamushu amwamba mwenu mmanu mmamalambi aashidoni, “ ‘Venentete ava vangwishimu po pakanywa apa, ila ntima wave uvelé kushu namu nangu.

Mateu 24:51

Nae anannumulanianga kutwala shingumi shake ndaanganianga na shavamalambi. Kushinu ako kundapagwa shililo na kutuka shulu nkanywa.

Mateu 23:6

Muvikukulu kuvanagwela kwikala mumautu aishima na muvitala vyamikodyanio vaikale viteng'u vyamushu.

Mateu 22:18

Yesu amanya vyakunyata vyave kutwala kushidoni, “Mwaa shani munkungulinga? Mmanu mmashinankulaba mwe!

Mateu 16:3

Namomo linyeiku muushidoni, ‘Nelo indatonya imbula mwaa maundi andikunduvala na lyundi lindidimbya.’ Mmanu mmamalambi mwe! Mwenu munkumanya kujavanianga vyamwona kumaundi napanelo munkutatakela kujavanianga vimanyikilo vyawakati.

Mateu 15:7

Mmanu mmamalambi mwe, Ishaiya animmalanganga shana patédoni,

Mateu 7:5

Umunu washinankulaba davo gwe! Shitandi likangolo lishingéme muliu mwako mo, usha. Apo undalola shana kutwala kusha shikoko asho muliu lyanung'unumunu.

Mateu 5:18

Ninkumwaulila mwiu doni, shilambo shakuwa na shapai vikanava kupita, hashipali shilóta kwapuka nkati mu Lilamulo ata palukavéle lutembo kwali lukweu ludikidiki vela, vindapagwa mpaka uti vitandeke.

Mateu 6:3

Wako paumya lipwashalelo, shitandéka kunkanakono kwako, nkono nshanda wo haunamanye

Mateu 23:5

“Vovo vo kula shinu shavatenda, ava mandole kwavanu. Ni ashi shivatádya vatumbudye vidingo vyave vyavalyunga na valapeye mapepe adikanju dyave!

I Vakolintu 13:3

Ndikaumya uti vyanguvenavo na ndikajaula mili wangu pakulota vatae moto kanji ndikanavanavo linagwaledyo, hashipali shangupata.