Mateu 6:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Haunatuukenavo kukutubigwa kanji tuposha kumakono kumwe nkalau.’

Mateu 6:13 Referans Kwoze

I Vakolintu 10:13

Hapali malingo amuvauvanga mwenu pakava akawaida mushinamidyo shavanu. Nnungu ni wakukulupilika, nae hanneka mwenu mutubigwa kupunda shilinga shenu kanji pamo na kutubigwa, nae andamupa mwenu mwashi mwakushumbila pakulota muulule kulipililila.

Nshuwau 17:15

Hangunajugwa shinu uvaumye mushilambo ila uvashunge kwa aijá nkalau.

Mateu 26:41

Pimila na shwali pakulota hamunainjile mukutubigwa! Imumu mwiu inkuva tayali, mili ni udabadabénge.”

Maono 19:1

Vikapite vinu avyo, ndígwa kuwa shinu kenga lidi likumene lyadimbumba liishidoni, “Aleluya! Kwambwalegwa, lishangelo pamo na dimongo, dyake mwene Nnungu wetu,

II Vateshalonika 3:3

Kanji napane Umu ni wakukulupilika, nae anannonowanga na ananshunga kumwe aijá nkalau.

Mateu 6:10

utawala wako wide, malotelo ako atandeke, mushilambo shapai kenga kuwa.

II Patulu 2:9

Napavedoni tundyona do, Umu ankumanya kuvaposha avalá vanjópa Nnungu nkati mukulingigwa na mwakuvavikila mushaushanga avalá vavéle muungave-shaliya muliduva alilá lyaukumu;

I Vateshalonika 1:10

na pakulota munnindile Mwanagwe aaloka kuwa, aijá wandyuwidye pakati pavakupela, Yesu átuposha mushitundi shída.

Maono 21:4

Nae andavapukutanga myodi uti kumevo kwave; kupela, shipalodi, shililo, kupwateka hakupagwa kavili mwaa vinu vyakala uti, vindipita.”

Maono 3:10

Pakuva wako undishunga malailililo amukunanopa kwamwaa wangu nangu, nanangu momo ndakushunga wakati wamalingo alóta kwida mushilambo uti pakulota kuvalinga vanu vanáma vamushilambo shapai.

I Nshuwau 3:8

Aijá ánatenda shimadambi umwe Ndamoni mwaa Ndamoni ni wakutega ngwengwe tangu kunantandi. Ni asho shaidilidile Mwanagwe Nnungu pakulota abamalangile-uti vitendo vimwe Ndamoni.

I Patulu 5:8

Ava mevo na lilaledye: mmongo wenu mwenu Ndamoni ankudingukanga kenga ntumi akalamanga annambela wakwashi wakulota kummamane-uti.

Vagalata 1:4

ályumidye jo mwene kwamwaa wamadambi etu pakulota atuposhe muwakati au wakunyata kwodananavo malotelo atatagwetu Nnungu.

II Vakolintu 1:20

Mwaa vyo vyakulivikila vyake Nnungu vipagwíte vyo, nkati mwake nae munkupagwa “Elo.” Ni kwamwaa au watutangalela wetu kwaindila yake nae “Ame” kwaupande umwe Nnungu kwalishangelo lyake.

Maono 2:10

Vyaulota kuvauvanga vyo, haunajope. Igwa, pakati penu Ndamoni andavajela vanji nkalaboshi pakulota mulingigwe na mundauvauvanga maduva kumi. Kulupilika mpaka kupela nangu ndakupa lidaka lyashingumi.

Maono 1:18

Nangu Ninene Ngúnama; ndípela kanji napane lola, ninkunama ngwengwe ngwengwe! Nangu ni Nimwene myungulilo vyungulíla Kupela na Kumoka.

Mateu 5:37

Mwenu mukashidoni, ‘Elo’ ive mwiu elo, mukashidoni ‘Mene’ ive mwiu mene. Shinji shakupunda apo, shinkwalakela kumwe aijá nkalau.

I Vakolintu 14:16

Ikanavadavo, wako untumbyanga Nnungu kwaimumu, napane ilota kuva dashi kumwe aijá ávele muungapundishigwa kwitikila, “Ame” ajang'ula kulambwalela kwako na nae akamanyite ashilá shautangola?

Mateu 28:20

na muvapundisha kutandedya uti avilá vyaninnamulidile. Nadoni nangu ninkupagwa namu mwenu mumaduva uti mpaka mwisho wawakati.”

Maono 19:4

Napanelo avalá vanang'olo ishilini na nsheshe pamo na avilá viumbi nsheshe, vandíguguvala mpaka vyenye kundondya pai valipudya kwa Nnungu áikele pashiteng'u vaashidoni, “Ame, Aleluya!”

Maono 5:13

Napanelo ndígwa kula shiumbi shivéle kuwa, mushilambo, pai, mwimanga na uti vipagwíte amo viishidoni, “Kwake aijá áikele pashiteng'u na kumwe Ngandolo, litumbyangilidyo na ishima, lishangelo na utawala vipagwe ngwengwe ngwengwe.”

Maono 3:14

“Njelo waliganisha lya ku Laudisheya mwandikile, ‘Avi atangola Ame, nshuda wakukulupilika na waumwiu, ntipu wa avilá vyakandyenge Nnungu:

Vabalaniya 11:36

Vanji vo, vashindaliuligwa na kushapigwa viboko, vanji kavili vandívaunga mang'unyang'unya na kuvajela mudikalaboshi

I Timoti 1:17

Ambi napane kumwe Umu wangwengwe, ákapela, ákaaneka, jo Nnungu jumo, kwake nae kupagwe ishima na lishangelo ngwengwe ngwengwe. Ame.