Mateu 6:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ utawala wako wide, malotelo ako atandeke, mushilambo shapai kenga kuwa.

Mateu 6:10 Referans Kwoze

Vabalaniya 10:36

Shivaikidíle kwenu mwenu ni kulipililila ling'oto lyakutandedya malotelo ake Nnungu mundapata ashilá shalivikidile

Nshuwau 4:34

Yesu kuvaulila doni, “Shakulya shangu ni kutandedya malotelo ake aijá ángutumididye na kulinganianga shimadengo shake.

Mateu 26:42

Nae akauka kavili mwanda wambili kutwala kushwali aashidoni, “Atata, ikava kenga hayululika luwene alu kunyema bila kukumbila nangu, bai ive mo mwaulatela wako umwene.”

Mateu 12:50

Aijá átandedya mwalatela Atata ávele kuwa, ajo ni mwanetu, numbwangu na ajala.”

I Vateshalonika 5:18

Lambwalela muuti mwaa ala ni malotelo ake Nnungu kwenu mwenu nkati mumwe Klistu Yesu.

Valoma 12:2

Hamunalilinganiange na shinamidyo shawakati au kanji mubadilike kwaindila yakunonowangigwa muding'anong'ano dyenu kwambangidya mutende nningo mwanalela akwashi malotelo ake Nnungu, ambone, akunagwaleka na ashalowa-uti.

Nshuwau 6:40

Mwaa malotelo amwe Atata ni ala, kula munu ámwona Mwana na kunkulupila apate shingumi shíkamalilika na nangu nandyuwa muliduva lyamwisho.”

Vakoloshu 1:9

Napavedoni, kutunduvangila muliduva lyatwigwite hatunaleka shinu kushwali yenu mwenu tunjugwa Nnungu pakulota dashi, muumbaligwe na limanyilo lyalilotelo lyake nkati mulimanyilo na umanyimanyi uti waimumu

Vaepeshu 6:6

i mwaneke pakulota ivanagwele vanu kanji kenga vatumwa vamwe Klistu mutenda malotelo a Nnungu mmitima vyenu

Mateu 7:21

“I uti avalá vangwaulíla ‘Umu, Umu’ vandainjila muutawala wakuwa, ila aijá átandedya malotelo ake Atata ávele kuwa.

I Patulu 2:15

Mwaa malotelo ake Nnungu ni ala, pamutenda wambone mundadima nshasholo waungamanya wavanu vajinga.

Vabalaniya 13:21

nae ampanganiange kwakula shinu shambone pakulota mutandedye malotelo ake na atandedya nkati mwenu ashilá shinnagwéla pamevo pake kwaindila imwe Yesu Klistu, kwake nae lipagwe lishangelo ngwengwe ngwengwe! Ame.

Mateu 3:2

aashidoni, “Lijugulange mwaa utawala wakuwa undivandika.”

Lukashi 22:42

aashidoni, “Atata! Ukalota nyemya pamili pangu luwene alu ila hainave mwangulatela nangu, ive mwaulatela wako umwene.” [

Nshuwau 7:17

Munu woewoe akalota kutandedya malotelo ake jo mwene, andamanya kenga mapundisho ala, a Nnungu kwali ninkutangola yangu nimwene.

Maono 19:6

Namomo ndígwa lidi lyakuva kenga lyadimbumba dyavanu, lyakuva kenga libububu na lyakuva kenga shilindimu shading'uva liishidoni, “Aleluya! Mwaa Umu Nnungu wetu Wadimongo-uti, ankutawala.

I Vateshalonika 4:3

Mwaa malotelo amwe Nnungu ni akujaluwangigwa mwenu mukwilimyanga: doni, mwapukanangenavo vyakulauka,

Vitendo 21:14

Napane pakuva haululíke kushambegwa, tundíshukulu tuushidoni, “Bai vitandeke kenga mo mwalatela Umu.”

Vitendo 13:22

Pamuumidye Saulu, aníntandola Daudi ave umu wave. Jo Daudi aju, nae andímuumidya ushuda aashidoni, ‘Ndimwona Daudi mwanagwe Yeshe kuva munu kwakwodananavo ntima wangu; nae andatandedya malotelo angu uti.’

Mateu 4:17

Napanelo kutunduvangila muwakati wowo wo, Yesu andítunduvanga kulaililila aashidoni, “Lijugulange mwaa utawala wakuwa undivandika.”

Maono 12:10

Napane ndígwa kuwa ko lidi lyadimongo liishidoni, “Ambi apa kwambolegwa kundiwika, dimongo na utawala wa Nnungu wetu na madalaka amwe Klistu wake mwaa andijalegwa pai aijá nkúkashali wavanung'unumunu ávakashali shilo na mui pamevo pa Nnungu wetu.

I Patulu 4:2

Nadoni wakati ubakidíle kwenu mwenu kunama mushilambo amu, hamunaname kavili kwakutandedya malotelo ashimunumunu ila tandedya malotelo ake Nnungu

Vabalaniya 10:7

Napane nangu kushidoni, ‘Lola, nangu ngupali apa, ndida ndatandedya malotelo ako, wako Nnungu; kenga mwavandikidile mushidingo shalibuku kwamwaa wangu.’ ”

Lukashi 19:38

vashindatangola doni, “Aalaligwe Umu áida palina limwe Umu! Amani ipali kuwa, lishangelo kushanya-uti!”

Malukushi 3:35

mwaa munu woewoe átenda mwalatela Nnungu, munu aju ankwitika kuva mwanetu, numbwangu na ni ajala.”

Mateu 16:28

Nangu ninkumwaulila mwiu doni, po pakati penu apa vanji mwiko havapela vakanava kumwona Mwana Wamunu aida muutawala wake.”

Malukushi 11:10

“Walaligwe utawala wída watatagwetu Daudi!” “Kushibika kupagwe kushanya-uti!”

Maono 11:15

Njelo wasaba andyómba lipalapanda kuwa ko kwigwinika madi adimongo ashishidoni, “Utawala wamushilambo shapai, ambi apa uvelé mmakono mwa Umu wetu jo Klistu wake; nae andatawala ngwengwe ngwengwe.”

Maono 20:4

Napanelo níndyona viteng'u vàikalenge avalá ve vavapéle madalaka akuukumu. Namomo kwona ungumi wa avalá vashindígwe kwamwaa waushuda umwe Yesu na walilove lya Nnungu. Vanavo havalipudídye kwalidimu na ata kulishinamu lyake, havakubalídye kuvikigwa numalu pashenye kwali munkono. Vovo vo, vandyújila kunama kutwala kutawala namu Klistu vyaka alupu imo.

Vabalaniya 1:14

Da vanjelo uti havanava shinu dimumu ditumíka na ditumígwa pakulota divatumike avalá valóta kupata maleko akwambolegwa?

Vakoloshu 1:13

Nae ni átuposhidye muutawala wamushii kutuukanavo muutawala wamwanagwe wakunagwaleka,

Lukashi 19:11

Napanelo vanu vamwigwilila pashitangola, Yesu andíjilika avakang'ela nkong'o mwaa wakuvandika pa Yelusalemu na vanu vashona kenga utawala wa Nnungu undawikinneu.

Vitendo 22:14

Nae kavili kushidoni, ‘Nnungu wavanakuluvetu andikutandola pakulota umanye malotelo ake, andikutadya umwone aijá Waishaliya na umwigwe atangola jo mwene.