Mateu 6:1 - Ibibiliya mu Shimakonde Imbodi Yaambi na dimbande dya Imbodi Yakala

¹ “Lishunge pakulota hamunatende vitendo vyenu vyaishaliya pamevo pavanu kwambangidya vyoneke. Mukatenda davo po, Tatagwenu ávele kuwa hamupa shinu inudyo.

Mateu 6:1 Referans Kwoze

Mateu 23:5

“Vovo vo kula shinu shavatenda, ava mandole kwavanu. Ni ashi shivatádya vatumbudye vidingo vyave vyavalyunga na valapeye mapepe adikanju dyave!

Nshuwau 12:43

Vovo vo, lishindavanagwela lishangelo lyakwalakela kwavanu kuliko lishangelo lyakwalakela kwa Nnungu.

Vabalaniya 6:10

Nnungu hanava shinu waungave-ishaliya wakulota kulivaliva shimadengo shenu na linagwaledyo lyamuladidye kwamwaa walina lyake pakuva mundivatumika vakwilimyanga na munkuka mushu muvatumika.

Lukashi 16:15

Yesu kutwala kushidoni, “Mwenu ni mmanu múlivika kuva vaishaliya kwavanu kanji Nnungu andimanya mitima vyenu. Vinu vyavona vanu kuva vyamana, Nnungu pake po ona kuva vyakudabukanga.

Vagalata 6:12

Napane uti avalá valóta valyaneshe wambone mumili, avo ni vamuungíla mwenu mukumuligwe likumbi kwambangidya bai havanapapatigwe kwamwaa wanshalaba umwe Klistu.

Nshuwau 5:44

Mwenu mulota kukulupila dashi ikava kenga munkuupana lishangelo shivenevene na lishangelo lyalakéla kwa Nnungu ávele jumo jojo, hamunalambela shinu?

II Nshuwau 1:8

Lilaledye kwambangidya hashinanjaike ashilá shatukalalele namene madengo kanji pakulota mupate inudyo yakulinganana.

Malukushi 8:15

Napanelo ashindavaduma aashidoni, “Lilaledye! Lishunge kwaing'ano yankukumuku wamapalishayo na umwe Elode!”

Mateu 6:16

“Napanelo pamunga hamunalilodye kuva mushipalodi kenga mwavatandela vanu vamalambi. Vanavo vandányadyanyadyanga kumevo valilodye kwavanu kenga vandyunga. Ninkumwaulila mwiu doni, vovo vo tayali vandipata inudyo yave.

Mateu 16:6

Yesu kuvaulila kushidoni, “Ava mevo na lishunge kwamwaa wankukumuku wamapalishayo na wamashadukayo.”

Lukashi 12:15

Kutwala kwaulila imbumba yavanu kushidoni, “Lilaledye! Lishunge kwaing'ano yaliu mwaa shingumi shamunu hashivele muumbala wavinu.”

Mateu 5:48

Napavedoni mwenu inimmaikila muve mmanu mmashalowa-uti kenga Tatagwenu wakuwa, nae washalowa-uti.

Mateu 5:16

Nadoni inimmaikila lilangadyo lyenu limulike pakati pavanu pakulota vone matendo enu ashalowa na vamupe lishangelo Tatagwenu ávele kuwa.

Lukashi 11:35

Napavedoni lalyanga shana ikava kenga lilangadyo livéle mumili wenu halinava shinu shii.

Lukashi 12:1

Napanelo pavishitandeka vinu avyo, vanu makumi manga vandyúmbalanila mpaka kutadya kuluvatananga kutwala Yesu kuvashiliukila vakwoda vake kuvaulila kushidoni, “Lilaledye! Hamunapakalange nkukumuku wamapalishayo yani shinankulaba.

Mateu 25:40

Umu kutwa kushidoni, ‘Ninkumwaulila mwiu doni, kula shinu shamuntandalele ndikidiki-uti pakati pavanung'uvangu ava, mungutandalelé nangu.’

Mateu 5:46

Da mwenu mukavanagwaledya gweka avalá vannagwalédya mulota kupata inudyo shani? Da ata avalá vakukatisha-ukodi havanatandela momo?

Mateu 23:13

“Napanelo mupambale mwenu mmamwalimu mmadishaliya na mmapalishayo. Mmanu mmashinankulaba mwe! Mushalangila maalati utawala wakuwa kwavanu! Mwenu mmene hamunainjila shinu na vainjíla avalá, munkuvaleya.

Mateu 6:9

Napenelo amu ni mwakushwalidya mwenu, “ ‘Atata wetu úvele kuwa, lina lyako liilimyangike,

Vabalaniya 2:1

Napavedoni indituvaikila tukamulile namene na dimongo uti avilá vyatwigwite kwambangidya hatunaashalange.

Vabalaniya 11:26

Andívalangilila kutukanigwa kwamwaa umwe Klistu kuva utajili ukumene kuliko vidimbi vya ku Mishili mwaa ashindona inudyo yalota kupata ling'oto.

Mateu 16:27

Nadoni Mwana Wamunu andaida mulishangelo lyatatake pamo na vanjelo vake, napane apo anannipa kula munu kwodana na matendo ake.

Vitendo 3:12

Patulu pagwene davo, andívaulila vanu avo kushidoni, “Mmanaishilaeli! Mwaa shani munkushanga shitendo ashi na mwaa shani munkutulola namene? Da mwona kenga munu aju tumwanaidyé kwadimongo dyetu wetu kwali kwaunnungu wetu wetu tuvene?