Mateu 5:44 - Ibibiliya mu Shimakonde Imbodi Yaambi na dimbande dya Imbodi Yakala

⁴⁴ Napane nangu jo ninkumwaulila doni, vanagwaledye vamongo venu na vashwalidye avalá vampapáta

Mateu 5:44 Referans Kwoze

Valoma 12:14

Vaalaliye avalá vampapáta, vaalaliye na hamunavatae dilana.

I Patulu 3:9

Hamunalipilile wakunyata kwawakunyata, hamunalipilile kutukana kwakutukana kanji paikavele davo po, vaalaliye mwaa ni ashi shavanshamalele mwenu kwambangidya mupate kwalaligwa.

Lukashi 23:34

Kanji Yesu kushidoni, “Atata, valivalive mwaa havanamanya shinu shavatenda.” Bai vanavo vandíjalanga gudugudu kwambangidya vajavanange dinguvo dyake.

I Patulu 2:23

Pavashintukana nae hashipindikula, pashuvauvanga po nae hashivatishanga ila ashinnakela aijá áukumu kwaishaliya.

Vitendo 7:60

Bai andíguguvala kutwala kukuta pashanya po, aashidoni, “Umu haunavaukumu mwaa walidambi ali.” Patangwele malove ala, nae kujaa shingumi.

Nshuwau 13:34

Ninkumupa lilamulo lyaambi; nagwaladyania. Mo mwaninnagwaladidye nangu mwenu, namwenu momo nagwaladyania.

I Vateshalonika 5:15

Lilaledye shana kwenu mwenu hanapagwe woewoe wakunnipa muje wakunyata kanji ngwengwe vingilidya ashilá shambone kwaupande wenu mwemwe mmene kwali kwavanu uti.

Vitendo 16:28

Kanji Paulu andíkugwa namene aashidoni, “Haunalitende shakunyata! Wetu uti tupali.”