Mateu 5:18 - Ibibiliya mu Shimakonde Imbodi Yaambi na dimbande dya Imbodi Yakala

¹⁸ Ninkumwaulila mwiu doni, shilambo shakuwa na shapai vikanava kupita, hashipali shilóta kwapuka nkati mu Lilamulo ata palukavéle lutembo kwali lukweu ludikidiki vela, vindapagwa mpaka uti vitandeke.

Mateu 5:18 Referans Kwoze

Lukashi 16:17

Mwenu kanji shinu shíkakamadyenge ni kulambaleka kuwa na pai kuliko kulambaleka lumbalukila lwa Lilamulo.

I Patulu 1:25

kanji lilove lyake Umu linkupagwa ngwengwe!” Lilove ali ni aulá ntenga wambone wavammalangangidile.

Malukushi 13:30

Ninkumwaulila mwiu doni, vanu vaimbula ai havamalilika vinu avi vikanava kutandeka.

Maono 20:11

Napanelo níndyona shiteng'u shikumene shanashwe mwene shiteng'u jo àikalidile; pai na kuwa vínditila pamevo pake na halipagwíte lyutu lyavinu avyo.

Nshuwau 5:19

Yesu akavajang'ula kushidoni, “Nangu ninkumwaulila mwiu mwiu doni, Mwana hanaulula kutenda shinu shoeshoe shakubuni jo mwene ila ashilá shamwona Tatake atenda. Kula shinu shatenda Tatamunu nanae Mwana ankutenda shosho.

Mateu 17:20

Nae kushidoni, “Ni kwamwaa walikulupililo lyenu lidikidiki. Ninkumwaulila mwiu doni, mukavanavo likulupililo kenga imbeju yanshupi mundalamulila lishinga ali do, ‘Tumuka apa wena apalá,’ lyanavo kuka. Hashipali shilóta kunkamadyangidya.”

Mateu 16:28

Nangu ninkumwaulila mwiu doni, po pakati penu apa vanji mwiko havapela vakanava kumwona Mwana Wamunu aida muutawala wake.”

Mateu 13:17

Ninkumwaulila mwiu doni, vakulava na vaishaliya voe vashindalota vone vyamwona mwenu avi kanji havagwene na vaigwe vyamwigwa mwenu avi kanji havaigwite.

Mateu 10:23

Panjini umo vakampapata tukutila njini unji. Ninkumwaulila mwiu doni, hamumalila shinu minjini uti vya ku Ishilaeli Mwana Wamunu ákanava kwida.

Mateu 6:2

Napavedoni paumya lipwashalelo haunaambele lipalapanda kenga mwavatandela vanu vamalambi muvitala vyakulipudidya na mudibalabala valota vapate lishangelo kwavanu. Ninkumwaulila mwiu doni vanavo tayali vandipata inudyo yave.

Mateu 5:26

Ninkukwaulila mwiu doni, kushinu ako wako hauma shinu ukanava kulipanga mpaka ishingo yamwisho.

Nshuwau 21:18

Ninkukwaulila mwiu mwiu doni, wako pauvele unnemba ushindalyunga inguvo yako na kuka kwoekwoe kwaulota; napane paulota kuva unang'olo po, unanyalodya makono ako kutwala munu junji kukunga na kukuukanavo kwaukalatile.”

Nshuwau 16:23

Muliduva alyo hashipali shamulota kungudya. Nangu ninkumwaulila mwiu doni, shoeshoe shamunjugwa Atata palina lyangu, nae andamupa.

Nshuwau 16:20

Ninkumwaulila mwiu mwiu doni, mwenu mundalila na mundatangadikanga kanji shilambo shipuwanga. Mundavanavo shipalodi ila shipalodi shenu sho shindava lipuwilo.

Nshuwau 14:12

Ninkumwaulila mwiu mwiu doni, aijá ángukulupila nangu, vyangutenda avi nanae momo andatenda na vyakwanjadyeka kupunda avi, nae andatenda mwaa nangu mwanda kumwe Atata.

Nshuwau 13:38

Yesu, “Wako undajaa shingumi shako kwamwaa wangu nangu? Ninkukwaulila mwiu mwiu doni, ng'uku hakangavela wako ukanava kungukana myanda mitatu.

Nshuwau 13:16

Nangu ninkumwaulila mwiu mwiu doni, ntumika hanampunda nang'olo wake na ata wavantumile kumpunda aijá ántumile.

Nshuwau 12:24

Ninkumwaulila mwiu mwiu doni, imbeju yangano painagwilila pai ikanawa, ivalela momo. Napane ikawa, indápa vyepo vyoe.

Nshuwau 10:7

Napavedoni Yesu andítangola kavili aashidoni, “Ninkumwaulila mwiu mwiu doni, nangu ni Nnango Wavangandolo.

Nshuwau 10:1

“Ninkumwaulila mwiu mwiu doni, aijá ákainjilila pannango walingongo lyavangandolo ila áinjilila akwela lingongo, ajo nkwíva na nkúbyaa.

Nshuwau 8:58

Yesu kushidoni, “Ninkumwaulila mwiu mwiu doni, Abulaamu akanava kuvalekwa, Nangu ni Nene.”

Nshuwau 8:51

Ninkumwaulila mwiu mwiu doni, munu áigwilila lilove lyangu, kupela ko mwiko, haona shinu ngwengwe.”

Nshuwau 8:34

Yesu akavajang'ula, “Ninkumwaulila mwiu mwiu doni, aijá átega, mulidambi mo, ajo ntumwa.

Nshuwau 6:53

Yesu kutwala kuvaulila doni, “Ninkumwaulila mwiu mwiu doni, mwenu mukanamamena mili wa Mwana Wamunu na kukumbila myadi vyake hamuvanavo shingumi nkati mwenu.

Nshuwau 6:47

Nangu ninkumwaulila mwiu mwiu doni, aijá ákulupila ankuvanavo shingumi shíkamalilika.

Nshuwau 6:32

Yesu kutwala kuvaulila doni, “Ninkumwaulila mwiu mwiu doni, Musha i ámpele mwenu ligung'u lyakwalakela kuwa kanji Atata ni ámupa mwenu ligung'u liu lyakwalakela kuwa

Nshuwau 6:26

Yesu akavajang'ula kushidoni, “Nangu ninkumwaulila mwiu mwiu doni, mwenu munkungulambela i kwamwaa wakwona vimanyikilo ila mwaa wakulya magung'u mpaka kwikuta.

Nshuwau 3:11

Ninkukwaulila mwiu mwiu, shatumanyite ni shatutangola, shatugwene ni shatumya ushuda kanji ushuda wetu hamunakulupila shinu.

Nshuwau 3:5

Yesu kunjang'ula, “Ninkukwaulila mwiu mwiu, munu akanavalekwa kwamedi na Imumu haulula kwinjila muutawala wa Nnungu.

Nshuwau 3:3

Yesu akanjang'ula kushidoni, “Ninkukwaulila mwiu mwiu, munu akanavalekwa kwakuwa haulula shinu kwona utawala wa Nnungu.”

Nshuwau 1:51

Nae kuka mushu aashidoni, “Ninkumwaulila mwiu uti doni, mundona kuwa kùshimwike na vanjelo va Nnungu vakwela na vashuluka mu Mwana Wamunu.”

Lukashi 23:43

Yesu kushidoni, “Ngwigwa, wako jo nelo aju mwiu undapagwa namu nangu kulyutu lyalipuwilo.”

Lukashi 18:29

Yesu kushidoni, “Nangu ninkumwaulila mwiu doni, munu áleka vyake kwali ndyagwe kwali vanung'unuvake na vakuluvake kwali tatake kwali vanavake mwaa wautawala wa Nnungu,

Lukashi 18:17

Ninkumwaulila mwiu doni, munu ákapwashalela utawala wa Nnungu kenga ndyoko, hainjila mwiko muutawala awo.”

Lukashi 13:35

Lola, ing'ande yenu indava lidembe na nangu ninkumwaulila doni, hamungwona kavili mpaka muwakati wamulota kutangola doni, ‘Aalaligwe aijá áida palina limwe Umu.’ ”

Lukashi 12:37

Vandijaligwa vatumika avo valóta kuvakodya nang'olo wave vàvele mevo pauja. Nangu ninkumwaulila mwiu doni, nae andagwalangila pakulota avatumike kutwala kuvaikadyanga pandamu kwida ndavatumika.

Lukashi 11:51

Vandadaigwa kutunduvangila myadi vimwe Abeli mpaka myadi vimwe Shakaliya wavamyaidile mwing'ande ya Nnungu pakatipakati akuno ku alutali ako kulyutu lya Nnungu. Ninkumwaulila ngala doni, myadi avyo Nnungu andavadai vanu vaimbula ai.

Malukushi 14:30

Yesu kushidoni, “Ninkukwaulila mwiu doni, shilo sho shanelo ashi, ng'uku akanava kukangavela myanda mivili, wako unangukana myanda mitatu.”

Malukushi 14:25

Ninkumwaulila mwiu uti doni, mwiko hangukumbila kavili ugwalwa au wavyepo mpaka muliduva alyo lyangulota kukumbila muutawala wa Nnungu.”

Malukushi 14:18

Napanelo vàvele pandamu valya, Yesu andítangola kushidoni, “Ninkumwaulila mwiu doni, munu jumo pakati penu álya namu nangu, anangulimya.”

Malukushi 14:9

Ninkumwaulila mwiu doni, kula kushinu kwavalota kuvalanganga ntenga wambone mushilambo amu, namomo vinu vyatandile nkongwe aju vandavalanganga kenga kumbukumbu kwake nae.”

Malukushi 12:43

Nae kuvashema vakwoda vake kuvaulila kushidoni, “Ninkumwaulila mwiu doni, namwili aju ákave pashinu, nae ni ájadile poe mulishanduku lyashadaka kuvapunda vanu vanji uti.

Malukushi 11:23

Ninkumwaulila mwiu kenga munu woewoe átangalela lishinga ali doni, ‘Bubuka apa uke ukalijele mwimanga,’ atangola bila kwambambidyanga muntima mwake, akulupila kenga vyatangwele vindátandeka, vindatandakela mo mwatangaladile.

Malukushi 10:29

Yesu kushidoni, “Ninkumwaulila mwiu kenga, kula munu álakile ing'ande yake, ávalakile vanung'unuvake kwali vakuluvake, ávalakile valumbuvake, ánnakile tatake kwali anyoke, ánnakile ndyagwe kwali vanavake, álakile mashamba kwamwaa wangu nangu na kwamwaa wantenga wambone,

Malukushi 10:15

Ninkumwaulila mwiu doni, aijá ákapwashalela utawala wa Nnungu kenga ndyoko, ajo mwiko hainjila shinu muutawala awo.”

Malukushi 9:41

Ninkumwaulila mwiu doni, aijá álota kumupa luwene lwamedi mukumbila palina lyangu nangu kwamwaa wakuva mwenu mmake Klistu, mwiko munu ajo hakatoka shinu kupata lidaka lyake.

Malukushi 9:1

Kutwala kavili kushidoni, “Ninkumwaulila mwiu doni vapali vanu vanji popo apa, vanavo mwiko havapela vakanava kwona utawala wa Nnungu wida na dimongo.”

Malukushi 8:12

Nae akaisha ntima namene kutwala kushidoni, “Mwaa shani vanu vaimbula ai vangujugwa shimanyikilo? Ninkumwaulila mwiu doni, vanu vaimbula ai havalodya munu shimanyikilo shoeshoe.”

Malukushi 6:11

Palyutu lyoelyoe vakanampwashalela na vakanalota kumwigwilila, pamuma po, lipumunange litutunga mmadodo mwenu pakulota uve ushuda kwave vanavo.”

Malukushi 3:28

Ninkumwaulila mwiu uti doni, vanu vandalivalivigwa madambi ave pamo na kukupulu kwave uti

Mateu 25:45

Nae kutwa kuvajang'ula kushidoni, ‘Ninkumwaulila mwiu doni, kula mwanda wamukantandadile ndikidiki-uti pakati pa ava, hamungutandadile nangu.’

Mateu 25:40

Umu kutwa kushidoni, ‘Ninkumwaulila mwiu doni, kula shinu shamuntandalele ndikidiki-uti pakati pavanung'uvangu ava, mungutandalelé nangu.’

Mateu 25:12

Nae kushidoni, ‘Ninkumwaulila mwiu doni, nangu mwenu po hanimmanyite.’

Mateu 24:47

Ninkumwaulila mwiu doni, anankamudya vyake uti.

Mateu 24:2

Yesu kushidoni, “Mwenu munkwona uti vinu avi? Ninkumwaulila mwiu doni, mwiko haliikala lijanga pashanya lijangamwagwe palikabamolegwa.”

Mateu 23:36

Ninkumwaulila mwiu doni, shaushanga ashi shindavawikila vanu vaimbula ai.

Mateu 21:31

Napanelo pakati pavana ava vavili, wakwashi átandadidye malotelo atatamunu?” Vanavo do, “Jo ntandi jo.” Yesu kushidoni, “Bai ninkumwaulila mwiu doni, vakukatisha-ukodi namu vakulavalava vankulangalela kwinjila muutawala wa Nnungu kunneka mwenu.

Mateu 21:21

Yesu kushidoni, “Ninkumwaulila mwiu doni, mukavanavo likulupililo na mukanaambambidya, mundatenda i gweka vitandéke munnandi au. Ata lishinga ali apa mukalamulila doni, ‘Bubuka apa uke ukalijele mwimanga,’ vindatandakela momo.

Mateu 19:28

Yesu kushidoni, “Nangu ninkumwaulila mwiu doni, mwenu múngwoda nangu muwakati wakudyuwangigwa vinu uti, Mwana Wamunu palota kwikala pashiteng'u shake shalishangelo, namwenu momo mundaikala muviteng'u kumi na mbili muukumu makola kumi na mbili avanaishilaeli.

Mateu 19:23

Napanelo Yesu kutwala kuvaulila vakwoda vake kushidoni, “Ninkumwaulila mwiu doni, pandikamadyanga namene ntajili kwinjila muutawala wakuwa.

Mateu 18:18

Ninkumwaulila mwiu doni, uti vyamulota kunga pai apa, kuwa momo vindaungigwa na avilá vyamulota kuungula pai apa, kuwa momo vindaunguligwa.

Mateu 18:3

kutwala kushidoni, “Ninkumwaulila mwiu doni, mwenu mukanaujiyanga mitima vyenu kulitenda kenga mmadyoko mmadikidiki, mwiko hamwinjila muutawala wakuwa.

Mateu 11:11

“Ninkumwaulila mwiu doni, pakati pavanu vamushilambo shapai ashi, haumilidile nkúlava ámpundile Nshuwau Wakubatisha. Ata ive davo aijá ndikidiki muutawala wakuwa wo, nae ni nang'olo ámpundile Nshuwau jo.

Mateu 10:42

Ninkumwaulila mwiu doni, munu álota kumupa luwene vela alu lwamedi akukumbila ndyoko jumo pakati pavadyoko ava kwamwaa wakuva nkwóda wangu nangu, ajo mwiko hakatoka inudyo yake.”

Mateu 10:15

Ninkumwaulila mwiu doni, muliduva lyaukumu shilambo sha ku Shodoma na sha ku Gomola vindadyanga kuliko likaja alyo.

Mateu 8:10

Yesu paigwite malove ala andíshanga na andívaulila avalá váshimwoda kushidoni, “Ninkumwaulila mwiu doni, ku Ishilaeli akuno hangunava kumwona munu walikulupililo kenga aju.

Mateu 6:16

“Napanelo pamunga hamunalilodye kuva mushipalodi kenga mwavatandela vanu vamalambi. Vanavo vandányadyanyadyanga kumevo valilodye kwavanu kenga vandyunga. Ninkumwaulila mwiu doni, vovo vo tayali vandipata inudyo yave.

Lukashi 4:24

Kutwala kavili kushidoni, “Ninkumwaulila mwiu doni, hapali nkúlava ápwashalalegwa mushilambo shake.