Mateu 5:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Napanelo Yesu akone dimbumba adilá, andíkwela palishinga kwikala. Vakwoda vake pavammandike,

Mateu 5:1 Referans Kwoze

Malukushi 3:13

Napanelo Yesu andíkwela palishinga limo kutwala kuvashema vanu vavalatile mwene, vanavo kumwidila.

Mateu 15:29

Napanelo Yesu akaume apo andyúka mpaka nanyenje litanda lya Galileya kutwala kukwela palishinga kwikala.

Malukushi 4:1

Napanelo mumwanda unji kavili Yesu andítunduvanga kupundisha àvele nanyenje litanda. Popo po, imbumba ing'umene yavanu iníntang'anedya mpaka kuntadya nae kukwela mwingalava kwikala kunyamela padyoko kumedi kuleka imbumba yavanu ìvele kumwangu.

Malukushi 3:20

Napanelo Yesu andíinjila nng'ande mwake kutwala kuumbalanila kavili imbumba yavanu mpaka popo Yesu na vakwoda vake ata litala lyakulyela shinu mene kuvapagwidya.

Mateu 4:25

Nae dishindamwoda dimbumba dyoe dya ku Galileya, dya ku Dekapolishi, dya ku Yelusalemu, dya ku Yudeya na dyakumwangu unji wa Yudani.

Mateu 13:2

Popo po dindyúmbalanila dimbumba dyavanu, kuntang'anedya mpaka kuntadya nae kukwela mwingalava kwikala kuvaleka vanu uti vàimidile kumwangu.

Mateu 5:2

andítunduvanga kuvapundisha aashidoni,

Lukashi 6:12

Mumaduva lolo lo, liduva limo Yesu andyámbwakela kumashinga ndashwali; shilo uti andíshwedya anjugwa Nnungu.

Lukashi 6:17

Yesu andyálenavo vamyombe avalá kuka ndaikalanga pantadala. Popo po, shindípagwa shipinga shikumene shavakwoda vake na kupagwa imbumba yavenentete vakwalakela mumautu uti ashilambo sha ku Yudeya, vakwalakela ku Yelusalemu, vanji vakwalakela nanyenje imanga ya ku Tilu na ku Shidoni.

Lukashi 6:20

Napanelo Yesu andíng'amula mevo ake kuvalola vakwoda vake kuvaulila kushidoni, “Mundyalaligwa mwenu mmamashikini, utawala wa Nnungu, wènu.

Lukashi 9:28

Napanelo akatangole malove alo, ling'oto lyakupita ishumana imo, nae aníntwala Patulu, Nshuwau namu Tiyagu kuvaukanavo kulishinga ndashwali.

Nshuwau 6:15

Yesu akamanye kenga vankwida nantwala kwadimongo vauke vakankamudye shiumu, nae andítila kavili kuka gweka kumashinga.