Mateu 3:2 - Ibibiliya mu Shimakonde Imbodi Yaambi na dimbande dya Imbodi Yakala

² aashidoni, “Lijugulange mwaa utawala wakuwa undivandika.”

Mateu 3:2 Referans Kwoze

Mateu 4:17

Napanelo kutunduvangila muwakati wowo wo, Yesu andítunduvanga kulaililila aashidoni, “Lijugulange mwaa utawala wakuwa undivandika.”

Malukushi 1:15

aashidoni, “Undiwika wakati, utawala wa Nnungu undivandika nadoni lijugulange madambi enu na kulupila ntenga wambone wa Nnungu.”

Lukashi 24:47

na palina lyake, uvalangangigwe ntenga wakulijugulanga na wakulivalivigwa kwamadambi muvenentete uti kutunduvangila ku Yelusalemu.

Mateu 6:10

utawala wako wide, malotelo ako atandeke, mushilambo shapai kenga kuwa.

II Vakolintu 7:10

Mwaa shipalodi shoodánanavo malotelo ake Nnungu shinkwidanavo kulijugulanga kuka mukwambolegwa bila kulyambila. Kanji shipalodi shamushilambo shinkwidanavo kupela.

Mateu 10:7

Mwamulota kupita mo, valanganga ntenga au, ‘Utawala wakuwa undivandika.’

Vitendo 3:19

Nadoni lijugulange na nshiliukile pakulota madambi enu alivalivigwe

Lukashi 15:10

Kulandana na shitendo asho ninkumwaulila doni, kwavanjelo vake Nnungu lindapagwa lipuwilo lyoe namene mwaa wankútega jumo álijugulanga madambi ake.”

Lukashi 13:3

Bai mene! Kanji mwenu mukanalijugulanga madambi enu mundapalela mo mwavapalalele vanavo.

Lukashi 11:20

Kanji ikava kenga nangu ninkukumulanga majini kwadimongo dyake Nnungu, bai utawala wa Nnungu unimpata bai.

II Patulu 3:9

Umu hanatimatimanga shinu kutandedya kulivikila kwake kenga mwavaanela vanji kutima. Leka apo, nae mpole kwenu mwenu pakalota ata munu jumo kujaika kanji uti vakawikile mukulijugulanga madambi ave.

Vitendo 17:30

Kanji Nnungu pakavalangila wakati aulá waungamanya, ambi apa ankuvavalangangila vanu uti mumautu avanama valijugulange madambi ave

Vitendo 11:18

Bai pavaigwite malove alo, vanavo vandídimikila na kumupa lishangelo Nnungu vaashidoni, “Kumbe mwiu! Ata vamidi Nnungu andivapa kulijugulanga madambi kuka mushingumi.”

Vitendo 2:38

Patulu kushidoni, “Lijugulange na kula munu apate ubatisho palina limwe Yesu Klistu kwakulivalivigwa kwamadambi enu na mundapata inudyo ya Imumu Wanashwe.

Lukashi 6:20

Napanelo Yesu andíng'amula mevo ake kuvalola vakwoda vake kuvaulila kushidoni, “Mundyalaligwa mwenu mmamashikini, utawala wa Nnungu, wènu.

Mateu 13:52

Nae kuvaulila kushidoni, “Doni napanelo kula mwalimu álitandile nkwóda wautawala wakuwa ankuva mwatatamunu wapaing'ande áumya mulipeta mwake vinu vyaambi na vyakala.”

Mateu 13:47

“Namomo utawala wakuwa uvelé mwalungau lwavatajile mmedi kutwala kujola dyomba dyakula namuna.

Mateu 13:33

Kavili kuvakang'ela nkong'o unji aashidoni, “Utawala wakuwa uvelé mwankukumuku watwete nkongwe kupiya mudipishi nnatu dyaunga wangano mpaka unga uti kukumuka.”

Mateu 12:41

Avalá vanenive paukumu vandatakatuka kwimila kuvaukumu vanu vaimbula ai. Vanenive vo, pavaigwite kuvalanganga kwantenga kumwe Janashi vandílijugulanga. Mwenu! Apa apali nang'olo kuliko Janashi.

II Timoti 2:25

avapundisha kwakulishapeya avalá vampínga nakapanji Nnungu andavapa kulijugulanga kwidanavo kumanya umwiu

Vakoloshu 1:13

Nae ni átuposhidye muutawala wamushii kutuukanavo muutawala wamwanagwe wakunagwaleka,

Vitendo 20:21

ngumya ushuda kwavayuda na kwavamidi wakulijugulanga madambi kwa Nnungu na walikulupililo nkati mumwe Umu wetu Yesu.

Lukashi 15:7

Kulandana na shitendo asho ninkumwaulila doni, kuwa lindapagwa lipuwilo lyoe mwaa wankútega jumo álijugulanga madambi ake kuliko vaishaliya tisini na tisa vákalota kulijugulanga.

Lukashi 13:5

Bai mene! Kanji mwenu mukanalijugulanga madambi enu mundapalela mo mwavapalalele vanavo.”

Lukashi 9:2

kutwala kuvatuma vauke vavalanganga ntenga wautawala wa Nnungu na vaponia vilwele.

Malukushi 6:12

Bai vanavo vandyúma kupita vavalangangila vanu valijugulange madambi ave.

Malukushi 1:4

Nadoni andyúmilila Nshuwau na andípagwa avapa vanu ubatisho kushimbweshe alaililila ubatisho wakulijugulanga kwakulivalivigwa kwamadambi.

Mateu 5:10

Vandyalaligwa avalá vapapatígwa kwamwaa waishaliya, mwaa vanavo utawala wakuwa wàve.

Mateu 5:3

“Vandyalaligwa avalá vamashikini mwimumu, mwaa vanavo utawala wakuwa wàve.

Maono 2:21

Nangu nimupa wakati wakulota alijugulange kulavalava kwake kanji nae hatamwa.

Mateu 13:31

Kutwala kuvakang'ela kavili nkong'o unji aashidoni, “Utawala wakuwa uvelé mwaimbeju yanshupi yatwete munu kuka ndapanda mulishamba mwake.

Mateu 13:11

Yesu akavajang'ula kushidoni, “Mwaa mwenu vanintadya mumanye vipii vyautawala wakuwa kanji vanavo mene.

Mateu 6:33

Mwenu kanji shitandi angaikangila utawala na ishaliya yake; vinu vinji vyo, vinanjadyeka.

Maono 2:5

Kumbukila pashi paugwile. Lijugulange na tandedya vitendo vyako vitandi. Ukanalijugulanga, ninkukwidila ndausha itaa yako palyutu lyake.

Vabalaniya 6:1

Napavedoni tuleke mapundisho akutunduvanga kwamwaa umwe Klistu na tuke mushu nkati mukukulumuka kwabila kudenga kavili shitunduvangilo yani, kulijugulanga kwavitendo vyakupela, likulupililo kwa Nnungu,

Vitendo 26:20

Ndivavalangangila shitandi va ku Damashiko, kwatika ku Yelusalemu, disemu uti dya ku Yudeya namomo kwavamidi pakulota valijugulange madambi ave na vanshinjiulile Nnungu valodya vitendo kwodananavo kulijugulanga kwave.

Mateu 22:2

“Utawala wakuwa uvelé mwaumu jumo e apanganiénge shitamo shamwanagwe.

Mateu 25:1

“Napanelo kuwika kwautawala wakuwa ko kulota kuva mwavali kumi vatwéte dikalaboi dyave kuka nannindila nkúlomba.

Mateu 23:13

“Napanelo mupambale mwenu mmamwalimu mmadishaliya na mmapalishayo. Mmanu mmashinankulaba mwe! Mushalangila maalati utawala wakuwa kwavanu! Mwenu mmene hamunainjila shinu na vainjíla avalá, munkuvaleya.

Mateu 20:1

“Mwaa ivé doni, utawala wakuwa uvelé mwatatamunu áumile paing'ande pake lyamba linyeiku kuka ndavalambela vamadengo vakulima mulishamba mwake.

Mateu 18:23

Nadoni utawala wakuwa wo uvelé mwaumu jumo áshilota atende shikonda na vatumika vake.

Mateu 11:20

Yesu napane kutwala kutunduvanga kutangadikanga minjini vyatandile makango oe mwaa havalotíle kulijugulanga,

Lukashi 21:31

Nadoni pamwona vinu avi vitandeka, momo manyinneu doni utawala wa Nnungu undivandika.

Lukashi 16:30

Ntajili kushidoni, ‘Mene wako atata Abulaamu. Leka àukile munu ádyukile pavakupela ndatangonavo, vanavo vakandilijugulanga.’

Mateu 25:14

“Namomo ilota kuva kenga munu átenda shimwanda kutwala kuvashema vatumika vake kuvakamudya mali ake.

Mateu 13:24

Yesu kuvakang'ela nkong'o unji aashidoni, “Utawala wakuwa uvelé kenga munu ápandile imbeju yambone mulishamba mwake.

Mateu 4:23

Napanelo Yesu ashindatanela makaja a ku Galileya apita apundisha muvitala vyave vyakulipudidya avalanganga ntenga wambone wautawala, aponia vilwele na mauvilo uti kwavenentete.

Lukashi 1:16

Jojo jo andavatadya vanaishilaeli voe vamuujile Umu, Nnungu wave.