Mateu 28:19 - Ibibiliya mu Shimakonde Imbodi Yaambi na dimbande dya Imbodi Yakala

¹⁹ Napavedoni wena mukavatadye vanu vave vakwoda vangu muvenentete uti muvabatisha palina lya Tata, lya Mwana na lya Imumu Wanashwe

Mateu 28:19 Referans Kwoze

Vitendo 1:8

kanji mwenu mundapata dimongo dya Imumu Wanashwe álota kumwidila na mwemwe mundava mmashuda vangu kutunduvangila pa Yelusalemu, ku Yudeya, ku Shamaliya mpaka mwisho washilambo.”

Vagalata 3:27

mwaa uti múpatile ubatisho mumwe Klistu, Klistu muningwala.

Valoma 10:18

Kanji nangu ninkudya, da vanavo havaigwite? Elo, vandigwa. “Lidi lyave lindiigwinika mushilambo uti na malove ave mpaka kumwisho shilambo.”

Vaepeshu 2:18

doni, kwaindila yake nae wetu tuvavili tunkuulula kumuukila Atata nkati mu Imumu jumo.

Vitendo 28:28

Paulu kavili kushidoni, “Ikala mumanya doni ntenga au wakwambola wake Nnungu undipalakalegwa kwavamidi na vanavo vandaigwilila.”

Vitendo 2:41

Napanelo vanu avalá vapakadíle lilove lyake vandípata ubatisho; muliduva alyo vandílyunganianga kwavakwoda vanu vakuwikila shikonda shavanu dyalupu nnatu.

I Patulu 3:21

Nadoni ashi ni shimanyikilo shaubatisho umwambóla mwenu ambi apa, wanavo haunaushanianga shinu ushapu washimunu ila ni kulijugwangila kwamakumbukililo ambone amuntima pamevo pake Nnungu kwaindila yakudyuka kwake Yesu Klistu

I Vakolintu 15:29

Napane kukanapagwa kudyuka pakati pavakupela, kushi avalá vapáta ubatisho kwamwaa wavakupela? Ikava kenga mwiu vakupela havanadyuka, mwaa shani vankupata ubatisho yavanavo?

Vitendo 14:21

Napanelo vanavo vakavalangange ntenga wambone pa Delebe vandítadya voe vave vakwoda. Kutwala apo, vandyújila pa Lishitala, kuma apo kuka mpaka pa Ikoniu na vandíwika pa Antiyokiya ya ku Pishidiya.

Vakoloshu 1:23

ikava kenga mundauka mushu mulikulupililo munanopa na mulinatela bila kwambukanga lilindilililo lyantenga wambone wamwigwite uvalangangilíke muviumbi uti vivéle pai. Au ni ntenga wowo uukíle nangutadya nangu Paulu ngùve ntumika.

II Vakolintu 13:14

Umonyo umwe Umu Yesu Klistu, linagwaledyo lyake Nnungu na upamo wa Imumu Wanashwe vipagwe namu mwenu uti.

Vitendo 9:18

Bai mmevo mwake Saulu vindígwanga vinu kenga makakamba kutwala muwakati wowo nae kutunduvanginneu kulola kavili; andítakatuka kuka ndabatishwa

Mateu 13:52

Nae kuvaulila kushidoni, “Doni napanelo kula mwalimu álitandile nkwóda wautawala wakuwa ankuva mwatatamunu wapaing'ande áumya mulipeta mwake vinu vyaambi na vyakala.”

I Nshuwau 5:7

Vapali vatatu vaumya ushuda:

Mateu 25:32

Venentete uti vandaumbalanila pamevo pake, nae kuvaapukanianga kenga mo mwanavaapukaniangidya nkúshunga-dinyama vambudi na vangandolo

Vitendo 1:2

mpaka muliduva lyaukile ndatanduligwa kuka kuwa ling'oto lyakumya malailililo na dimongo dya Imumu Wanashwe kuvapa vamyombe vake vavatandwele.