Mateu 27:27 - Ibibiliya mu Shimakonde Imbodi Yaambi na dimbande dya Imbodi Yakala

²⁷ Vaing'ondo vake nang'olo walijimbo vakantwala Yesu kumuukanavo kwing'ande yanang'olo wave kushema shipinga uti shavaing'ondo kuntang'anedya.

Mateu 27:27 Referans Kwoze

Nshuwau 18:33

Pilatu andíinjila kavili nng'ande kutwala kunshema Yesu kumudya, “Wako ni umu wavayuda?”

Nshuwau 18:28

Kavili vayuda vandímumya Yesu paing'ande imwe Kaipashi kumuukanavo kumwe gavana. Wakati wene wo uvele lyamba linyeiku, napane vanavo pavakalota kulitaa udagwa, havainjidíle nng'ande vajopa pakulota vaulule kulya Pasaka.

Vitendo 10:1

Napanelo pa Shashaleya andípagwa munu jumo walina Koluneli, nang'olo wavaing'ondo miya vamushipinga shavashishema shavaitaliya.

Vitendo 23:35

andímwaulila kushidoni, “Myaa vyako ndaudyangidya pavalota kwida vanu vakukashalídye vo.” Bai nae andílamulila vantwale Paulu akapagwe mmakono mwaishilikali kwing'ande ye ivéle imwe Elode.

Vitendo 27:1

Napanelo pavaukile ndaamuwa wetu twinjile mwingalava tuke ku Italiya, vanavo vaníntwala Paulu pamo na vakungwa vanji kunkamudya kumakono kwanang'olo wavaing'ondo miya walina Shulyu wamushipinga shavaitaliyani shimwe umu nang'olo.

Nshuwau 18:3

Jo Yudashi jo andyúka kuliteka àvenavo shipinga shavaing'odo pamo na vakushunga vakwalakela kwavanang'olo vakulangalalela-shadaka na mapalishayo vànyukatenge vyenje, ditoshi na dyuti.

Mateu 26:3

Napanelo vanang'olo vavakulangalalela-shadaka namu vanang'olo vavenentete vandíkadyania paing'ande imwe nkúlangalalela-shadaka nkumene aijá wavanshema Kaipashi