Mateu 25:41 - Ibibiliya mu Shimakonde Imbodi Yaambi na dimbande dya Imbodi Yakala

⁴¹ “Bai napanelo andavaulila avalá vavé kunshanda kwake kushidoni, ‘Tumukanga apa mwenu mmanu mmadilana! Kuka kushena, kumoto úkamalilika wavankandyangididye Ndamoni pamo na vanjelo vake.

Mateu 25:41 Referans Kwoze

II Patulu 2:4

Mwenu, ikava kenga Nnungu havavikidíle shitete vanjelo vatagíle ila andivajela kushena akulá kwakudimba kwavavaungile mang'unyang'unya kwambangidya vavakondye valindila ukumu;

II Vateshalonika 1:9

Vanavo vandauvauvanga ukumu yakubamalegwa kúkamalilika, kuvaapukanianga pamevo pamwe Umu na mulishangelo lyadimongo dyake

Mateu 13:42

Vovo vo, vandavajela kulitungulu, kushinu kulota kupagwa shililo na kutuka shulu nkanywa.

Mateu 13:40

Nadoni kenga mo mwavanankungailila nashitani kuntaa moto, nimomo mwaulota kuvalela mwisho wawakati.

Nshuwau 8:44

Mwenu tatagwenu Ndamoni na malotelo atatagwenu jo, ni amulota mutandedye. Nae tangu kala ni nkúbyaa, nkati muumwiu, hapali mwaa jojo jo umwiu pamili pake havenavo. Panatangola vyaushwang'a alilodya mavalelo ake mwaa nae ni nkúshang'apa na ni lipata lyaushwang'a.

Mateu 7:23

Ni apo pangulota kuvaulila ngala doni, ‘Mwiko hanimmanyite. Ngunyema apa mwenu mútandedya ungave-lilamulo.’

Mateu 3:12

Ankuvanavo shombo shakupatangila vyakulya mmakono mwake; andakandyanga palugwa pake kuntwala ngano jo kuntaa mushidimbi kanji makadakada lo, andataa moto úkadimika.”

Vabalaniya 6:8

Kanji ukamedya miva na nashilanga, hauve mana na uvé pepi na kupata dilana, kumwisho kwake kutaigwa moto.

Mateu 13:50

Vakalau vo kuvajela kulitungulu kushinu kulota kupagwa shililo na kutuka shulu nkanywa.”

I Nshuwau 3:10

Amu ni mwavaliladyedya vanavake Nnungu na vanavake Ndamoni: woewoe ákatandedya vyaishaliya hanava shinu wake Nnungu na ata aijá ákannagwaledya nung'unumunu, momo.

Lukashi 16:24

Ntajili kutwala kushema, ‘Atata Abulaamu, ngwanangila shididi! Ntume Lashalu jo adabidye shala mmedi aide angudidimidye mululimi mwaa ninkupata mauvilo makumene namene mmoto mwanguvele amu.’

Lukashi 13:27

Kanji nae andatangola doni, ‘Ngwigwa, nangu hanimmanyite kwamwaloka! Ngunyema apa mwenu uti mútenda vinu vyakunyata.’

Mateu 25:46

Bai ava vandauka kushaushanga shíkamalilika, avalá vaishaliya kuka kushingumi shíkamalilika.”

Mateu 18:8

“Napanelo ikava kenga nkono wako kwali lidodo lyako vinu avyo vinkukutadya ukuvale, lumula ujae kushu ko. Kudyanga kwinjila mushingumi ùlamele kuliko kuvanavo makono uti mavili kwali madodo uti mavili kutwala kuka kushena kwauvele moto úkamalilika.

Mateu 5:22

Napane nangu jo ninkumwaulila doni, kula munu álota kunshunalila nung'unumunu vandamuukanavo paukumu. Namomo álota kuntukana nung'unumunu, vandamuukanavo kwikamati, nakavili, ámwaulila nung'unumunu do, ‘Hauvé ding'ano!’ vandamuukanavo kumoto wakushena.

Mateu 4:10

Yesu napane kushidoni, “Kuka apa Shatwani! Mwaa indyandikigwa doni, ‘Lipudye kumwe Umu Nnungu wako na untumikile jojo bai.’ ”

Mateu 25:42

Mwaa paingukodíle indala shakulya hamungupele, paingukodíle inyota medi hamungupele, panguvé ninjeni hamungupwashaladile,

II Vateshalonika 1:7

kutwala kumupa mwenu múuvauvanga kupumula pamo namu wetu. Ashi shindatandeka paaneka Umu Yesu aumilila kuwa pamo na vanjelo vake vadimongo