Mateu 25:25 - Ibibiliya mu Shimakonde Imbodi Yaambi na dimbande dya Imbodi Yakala

²⁵ Napanelo kwamwaa wakukujopa, ndítwala italendu yako yo kuka ndapiya pai. Lola, shako sho, ashi.’

Mateu 25:25 Referans Kwoze

Valoma 8:15

Doni, mwenu hamupatile imumu yautumwa muka kavili mukujopa kanji munimpata Imumu wamwanamunu; nkati mwake wetu tunkulila, “Aba, Atata.”

Maono 21:8

Kanji vakujopa, vákakulupila, vakalau, vakubyaa, vakulavalava, vavi, valipúdya kwavannungu na vakushang'apa uti, vanavo maleko ave, lilota kuva alilá litanda lyamoto likaléla na ipataki; aku ni kupela kwambili.”

Mateu 25:24

“Kumwisho akaida aijá ápatile italendu imo kutwala kushidoni, ‘Nang'olo, nangu ndíkumanya kenga wako ni umunu wakunanapanga, únapuna paukalimile na únalimangila paukapandile.

Mateu 25:26

Nang'olo wake kushidoni, ‘Wako ni untumika nkalau na umwondo! Da undímanya kenga nangu ni nimunu ngúnapuna pandikalimile na ngúnalimangila pandikapandile?