Mateu 24:27 - Ibibiliya mu Shimakonde Imbodi Yaambi na dimbande dya Imbodi Yakala

²⁷ Kenga mo mwakunatandela kumeta kúnalangadya kula kushinu kwamwanda umo ni momo mwailota kuvalela kwida kwa Mwana Wamunu.

Mateu 24:27 Referans Kwoze

II Patulu 3:4

vaashidoni, “Da shitandeke shinu shani nkati mukulivikila kwake yakwida? Tangu vanyakalavetu kujaa shingumi, vinu vinkuvalela momo kenga kunantandi kukandyangigwa shilambo.”

Tiyagu 5:8

Namwenu momo ava mmanu mmakulipililila na mmakunonowanga mitima vyenu mwaa kwida kumwe Umu, kundivandika.

Mateu 24:39

vanavo pavakamanya shinu kudabanga kwida vila livambwe ndavalya do kobo! Nadoni kwida kwake Mwana Wamunu kulota kuvalela momo.

Mateu 24:37

Kenga mo mwaivalaléle muwakati umwe Noe nimumo momo mwailota kuvalela kwida kwa Mwana Wamunu.

Mateu 16:28

Nangu ninkumwaulila mwiu doni, po pakati penu apa vanji mwiko havapela vakanava kumwona Mwana Wamunu aida muutawala wake.”

Mateu 24:3

Nae akaikala palishinga lyamilandi vya Ulivela kutwala vakwoda vake kumuukila àve gweka ndamudya, “Twaulila! Da vinu avi vilota kutandeka duvani? Shimanyikilo shani shilóta kulilodya kwida kwako na mwisho wawakati?”

Mateu 8:20

Yesu kushidoni, “Vanansheto vankuvanavo vivava, vyuni vyakuniania vinkuvanavo vyanda kanji Mwana Wamunu havé pashinu pakwijamidya muti wake.”

Mateu 16:27

Nadoni Mwana Wamunu andaida mulishangelo lyatatake pamo na vanjelo vake, napane apo anannipa kula munu kwodana na matendo ake.

Mateu 24:26

“Napavedoni vanu vakamwaulila kushidoni, ‘Mwenu! Nae apali kushimbweshe akulá,’ hamunauke. Kwali vakaashidoni, ‘Apali nng'ande amulá,’ hamunakulupile.

Mateu 24:44

Napavedoni namwenu momo lipanganiange mwaa Mwana Wamunu andaida muwakati wamukalindila mwenu.