Mateu 24:14 - Ibibiliya mu Shimakonde Imbodi Yaambi na dimbande dya Imbodi Yakala

¹⁴ Nadoni ntenga wambone wautawala undavalangangigwa mushilambo uti pakulota uve ushuda kwavenentete uti kutwala kuwika mwisho.

Mateu 24:14 Referans Kwoze

Maono 14:6

Napanelo ndímwona njelo junji auluka kuniania àvenavo ntenga wambone úkamalilika pakulota avavalangangile avalá vanáma mushilambo shapai; kula shilambo, likola, inangodi na venentete

Valoma 10:18

Kanji nangu ninkudya, da vanavo havaigwite? Elo, vandigwa. “Lidi lyave lindiigwinika mushilambo uti na malove ave mpaka kumwisho shilambo.”

Lukashi 24:47

na palina lyake, uvalangangigwe ntenga wakulijugulanga na wakulivalivigwa kwamadambi muvenentete uti kutunduvangila ku Yelusalemu.

Vakoloshu 1:23

ikava kenga mundauka mushu mulikulupililo munanopa na mulinatela bila kwambukanga lilindilililo lyantenga wambone wamwigwite uvalangangilíke muviumbi uti vivéle pai. Au ni ntenga wowo uukíle nangutadya nangu Paulu ngùve ntumika.

Mateu 10:7

Mwamulota kupita mo, valanganga ntenga au, ‘Utawala wakuwa undivandika.’

Mateu 9:35

Napanelo Yesu ashindatanela minjini uti na makaja apita apundisha muvitala vyakulipudidya avalanganga ntenga wambone wautawala, aponia vilwele na mauvilo uti.

Vakoloshu 1:6

umwikidíle mwenu wo. Ntenga au, undauka mushu upa vyepo shilambo uti na unkukulumuka kenga mo mwaivalalele kwenu mwenu kutunduvangila muliduva lyamwigwite na kumanya umonyo wake Nnungu muumwiu

Mateu 24:6

Mundaigwa ding'ondo na manyinyi ading'ondo, mwenu po, hamunajope. Vinu avyo vindivaikila vitandeke ila haunava shinu mwisho.

Mateu 4:23

Napanelo Yesu ashindatanela makaja a ku Galileya apita apundisha muvitala vyave vyakulipudidya avalanganga ntenga wambone wautawala, aponia vilwele na mauvilo uti kwavenentete.

Vitendo 17:6

Kanji kwodamwaa havavapatíle, vanavo vandímuutanga Yashoni pamo na vanung'unumunu vanji kuvaukanavo kwavananangalaledi vapalikaja alyo vajunga pashanya po vaashidoni, “Vanu ava vapíta vatindinganianga shilambo, nkaja amu momo vandiwika.

Maono 3:10

Pakuva wako undishunga malailililo amukunanopa kwamwaa wangu nangu, nanangu momo ndakushunga wakati wamalingo alóta kwida mushilambo uti pakulota kuvalinga vanu vanáma vamushilambo shapai.

Vitendo 20:25

“Napanelo lola, nangu apa ndimanya doni pakati penu mwenu wanimmalangangidile utawala, hapali ata jumo álota kwona kavili ing'ope yangu.

Mateu 24:3

Nae akaikala palishinga lyamilandi vya Ulivela kutwala vakwoda vake kumuukila àve gweka ndamudya, “Twaulila! Da vinu avi vilota kutandeka duvani? Shimanyikilo shani shilóta kulilodya kwida kwako na mwisho wawakati?”

Maono 16:14

Adyo ni dimumu dyamajini ditenda vimanyikilo. Vovo vo vankuvaukila vaumu vammilambo uti kutwala kuvakumbulila pamo kwambangidya vatende ing'ondo muliduva likumene limwe Nnungu Wadimongo-uti.

Lukashi 4:5

Ndamoni kuntwala kumuukanavo pashanya, muwakati ungwipi kunnodya viteng'u uti vitawála mushilambo shapai

Vitendo 1:2

mpaka muliduva lyaukile ndatanduligwa kuka kuwa ling'oto lyakumya malailililo na dimongo dya Imumu Wanashwe kuvapa vamyombe vake vavatandwele.

Vitendo 11:28

Napanelo pakati pave jumo walina Agabu alangalalegwa na Imumu, andímanyiya kenga mushilambo uti indaumilila indala yamadigida. Namwiu indala ayo yumilidile mumaduva amwe Kalaudiu.

Mateu 18:19

Namomo ninkumwaulila doni, vanu vavili pakati penu vakaigwania mushilambo amu kwashinu shoeshoe shakujugwa, Atata ávele kuwa andavapa.

Lukashi 2:1

Napanelo mumaduva alo Shashali Agustu andyúmya lilamulo lyakulota vanu uti vavilambo víshilangalalegwa na Loma valyandikishe.

Malukushi 13:10

Napanelo ukanava kuwika mwisho indivaikila ntenga wambone uvalangangigwe kwavenentete uti.

Vitendo 17:31

mwaa Nnungu andipanga liduva lyakuukumu shilambo kwaishaliya kwaindila yamunu jumo wantandwele mwene. Ing'ano ai andilodya umwiu kwauti pakundyuwa munu ajo pakati pavakupela.”

Vitendo 19:27

Napavedoni shipali shijoidyo i gweka yakuliuligwa nshulushu wetu kanji namomo ata yo ing'ande imwe nangangonda nnungu Alitimishi, vanu vandailudyanga na shimbili uti shannungu wene wavalipudya vanu uti ku Ashiya akuno na muvilambo vinji, shindamalilika.”

Vabalaniya 1:6

Namomo kavili Nnungu pantumididye mushilambo amu Ntandi kuvalekwa atédoni, “Vanjelo uti vake Nnungu valipudye kwake nae.”

Vabalaniya 2:5

Mwenu, havanava shinu vanjelo vavavikile Nnungu pakulota vatawale shilambo shilóta kwida shatuvalanganga;