Mateu 24:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ Muwakati awo voe vandavainjidyanga mulidambi, vanji vandavalimya na vanji vandavangadika.

Mateu 24:10 Referans Kwoze

Lukashi 21:16

Napanelo mwenu ata vatatavenu, vakuluvenu na vanung'unuvenu, vakwenu, vabwadivenu vanannimya na pakati penu vanji vandabyaigwa.

Malukushi 13:12

Nkulumunu anankamudya nung'unumunu vampedye na tatamunu anatandela momo kwamwanamunu. Vana vandavavangedya vatatavave na vandavapedya.

Mateu 11:6

Andijaligwa aijá ákangunyatila nangu.”

Malukushi 4:17

kanji kwamwaa úkave wakuvanavo dinyija, lilove lyo lipagwa muwakati padyoko mwaa vikavakodya vyamapipili kwali kupapatigwa kwamwaa walilove, vanavo vandájaika.

II Timoti 4:16

Mukulishililidya kwangu kutandi, hapali munu ata jumo e avéle upande wangu, uti vaníngwambukanga. Kwashitendo ashi, havanavalangiligwe.

Mateu 13:21

Kwodamwaa havé dinyija, hanalikiniya. Kupata kwene mauvilo kwali kupapatigwa, kuujinneu kunyuma.

Mateu 10:21

“Nung'unumunu anannimya nung'unumunu pakulota vampedye. Tatamunu anannimya mwanamunu. Vana vandavatenda ing'ondo vatatamunu na kuvabyaa.

II Timoti 4:10

Mwaa Demashi kwakunagwaledya wakati au, aningwambukanga kutwala kuka ku Teshalonika. Keleshete kuka ku Galata, Titu kuka ku Dalamashiya.

II Timoti 1:15

Wako undimanya doni uti vamulijimbo lya ku Ashiya vaningwambukanga, pakati pave Pigelu namu Elimogeneshi.

Mateu 13:57

Nadoni vanavo vashinammikila shitundi. Yesu kutwala kushidoni, “Nkúlava havanamwiludyanga ila mushilambo shake na pakaja pake.”

Mateu 24:11

Vandaumilila vakulava voe vakushang'apa na vovo vo, vandavaduwanga voe.