Mateu 23:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ “Vovo vo kula shinu shavatenda, ava mandole kwavanu. Ni ashi shivatádya vatumbudye vidingo vyave vyavalyunga na valapeye mapepe adikanju dyave!

Mateu 23:5 Referans Kwoze

Nshuwau 12:43

Vovo vo, lishindavanagwela lishangelo lyakwalakela kwavanu kuliko lishangelo lyakwalakela kwa Nnungu.

Vapilipo 2:3

Hamunatende shinu shoeshoe kwamashindano na ata kwakulyona kwamambinya kanji kwakulishapeya, kula munu amwone muje kupagwa muwa mwake nae.

Nshuwau 5:44

Mwenu mulota kukulupila dashi ikava kenga munkuupana lishangelo shivenevene na lishangelo lyalakéla kwa Nnungu ávele jumo jojo, hamunalambela shinu?

Lukashi 16:15

Yesu kutwala kushidoni, “Mwenu ni mmanu múlivika kuva vaishaliya kwavanu kanji Nnungu andimanya mitima vyenu. Vinu vyavona vanu kuva vyamana, Nnungu pake po ona kuva vyakudabukanga.

Lukashi 20:47

na vapita vavalyangila vanamwili vyavo valishang'apila kuva vanu shii vatenda delee, pakushwali. Vovo vo, vandapata ukumu yakujowa kupunda apo.”

Vapilipo 1:15

Ni mwiu doni, vanji vankummalanganga Klistu kwaing'ou na kwamashindano kanji vanji ni vammalangánga kwamalotelo ambone.

Nshuwau 7:18

Munu ánatangola yake jo mwene, alambela alipatile lishangelo jo mwene kanji aijá ánalambela lishangelo kwa aijá ántumididye, aju ni munu waumwiu na jojo jo nkati mwake, ushwang'a haupali.

Mateu 9:20

Mwe! Nkongwe jumo e auwíle vyaka kumi na mbili ulwele úkavele wakumalala kutumila kummandika Yesu, kukwaa nkumbu waikanju yake.

II Vateshalonika 2:4

jo ápinga na álikwedya pashanya pavinu uti avilá vishamégwa kuva Nnungu kwali vinu vyakulipudidya kutadya mpaka kwikala mwing'ande ya Nnungu alivalanganga kuva Nnungu.