Mateu 23:33 - Ibibiliya mu Shimakonde Imbodi Yaambi na dimbande dya Imbodi Yakala

³³ “Mwenu mmanyoka, udukulu wadinyoka dyaishumu mwe! Mulota kutila dashi ukumu yakushena?

Mateu 23:33 Referans Kwoze

Mateu 3:7

Napanelo pavagwene mapalishayo na mashadukayo voe vaida ndapata ubatisho kwake, nae kushidoni, “Mmana mmadinyoka dyaishumu mwe! Anyinyitidilé nyani kutila shaushanga shake Nnungu shída?

Mateu 12:34

Mmanu mmashinankulaba mmakunyata mitima mwe! Mwenu mulota kutangola dashi malove ambone akuno mùvele mmanu mmakunyata mitima? Munu atangola vimuumbéle muntima mwake.

Nshuwau 8:44

Mwenu tatagwenu Ndamoni na malotelo atatagwenu jo, ni amulota mutandedye. Nae tangu kala ni nkúbyaa, nkati muumwiu, hapali mwaa jojo jo umwiu pamili pake havenavo. Panatangola vyaushwang'a alilodya mavalelo ake mwaa nae ni nkúshang'apa na ni lipata lyaushwang'a.

Lukashi 3:7

Nadoni Nshuwau andyáulila imbumba yavanu imwidilíle avape ubatisho kushidoni, “Mmana mmadinyoka dyaishumu mwe! Anyinyitidilé nyani kutila shaushanga shake Nnungu shida?

Mateu 5:22

Napane nangu jo ninkumwaulila doni, kula munu álota kunshunalila nung'unumunu vandamuukanavo paukumu. Namomo álota kuntukana nung'unumunu, vandamuukanavo kwikamati, nakavili, ámwaulila nung'unumunu do, ‘Hauvé ding'ano!’ vandamuukanavo kumoto wakushena.

Maono 12:9

Napanelo lijoka likumene alilá lindíjalegwa pai. Aju ni jojo aijá nyoka wakala wavanshema Ndamoni kwali Shatwani ávaduwanga vanu mushilambo uti. Nae pamo na vanjelo vake vandijalegwa mushilambo shapai.

Vabalaniya 12:25

Lilaledye! Hamunamwite aijá átangola. Ikava kenga avalá vamwitíle aijá áshivaduma mushilambo amu havananwile, kushi wetu túmwambukanga aijá átuduma kwalakela kuwa?

Vabalaniya 10:29

Kushi aijá ánnivatanga Mwana wa Nnungu na jojo jo áiludyanga myadi vyaimbodi vimwilimyénge nae na kuntukana Imumu waumonyo, da mwenu mwona dashi, munu ajo havaikidile kupata shaushanga shakumamodya?

Vabalaniya 2:3

Napanelo tulota kupalanyoka dashi ikava kenga hatunatanana shinu kwambolegwa aku kukumene? Kwambolegwa aku kuvalangilígwe kunantandi namu Umu kutwala kuka ndaakikishiligwa kwetu wetu namu avalá vaigwíte

II Vakolintu 11:3

Kanji shangujopa ni ashi, kenga mo mwanduwangidídye nyoka Eva kwaujanja wake, ding'anong'ano dyenu inkuululika kumwashadyanga mukulipudya kwiu na kúkave ushapu kumwe Klistu.

Mateu 23:32

Bai napanelo mwenu dududila madengo avatunduvenge vanyakalavenu.