Mateu 23:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ “Mupambale mwenu mmamwalimu mmadishaliya na mmapalishayo. Mmanu mmashinankulaba mwe! Mumalila imanga na mwangu pakulota mumpate wakuliinjidyanga jumo tu bai, mukampata munkumpindula kuva mwana wakushena kumpunda mmene.

Mateu 23:15 Referans Kwoze

Vaepeshu 2:3

Pakati pave nawetu momo tushindalilangalalela kwamalotelo ashimunumunu, tutandedya malotelo amili na anding'anong'ano. Nadoni kenga vanji uti, nawetu momo kwashimunumunu tundípagwa mushitundi shake Nnungu.

Vitendo 13:43

Kutwala nkodyanio paumalilike, vayuda voe pamo na vanu valiinjidyénge vandímwoda Paulu namu Balinaba váshitangola na vanavo vavashomba pakulota vauke mushu muumonyo wake Nnungu.

Vitendo 13:10

“Umwana umwe Ndamoni gwe! Ummongo waishaliya gwe! Umunu wakukubyaa ushwang'a na vitendo vyakunyata gwe! Da wako ulota kuleka duvani kudinguwanga dindila dyashalowa dyake Umu?

Vitendo 14:2

Kutwala vayuda vákaitikidile lilove alyo vandivatubya vamidi pakulota vavapinge vanung'unumunu avo.

Nshuwau 8:44

Mwenu tatagwenu Ndamoni na malotelo atatagwenu jo, ni amulota mutandedye. Nae tangu kala ni nkúbyaa, nkati muumwiu, hapali mwaa jojo jo umwiu pamili pake havenavo. Panatangola vyaushwang'a alilodya mavalelo ake mwaa nae ni nkúshang'apa na ni lipata lyaushwang'a.

Vagalata 6:12

Napane uti avalá valóta valyaneshe wambone mumili, avo ni vamuungíla mwenu mukumuligwe likumbi kwambangidya bai havanapapatigwe kwamwaa wanshalaba umwe Klistu.

Vagalata 4:17

Avalá vantanána mwenu, malotelo avo hanava shinu ambone. Vovo vo, valota vamwapukaniange namu nangu kwambangidya muvatanane vanavo.

Mateu 5:22

Napane nangu jo ninkumwaulila doni, kula munu álota kunshunalila nung'unumunu vandamuukanavo paukumu. Namomo álota kuntukana nung'unumunu, vandamuukanavo kwikamati, nakavili, ámwaulila nung'unumunu do, ‘Hauvé ding'ano!’ vandamuukanavo kumoto wakushena.

Vitendo 17:13

Kanji vayuda va ku Teshalonika vakamanye kenga Paulu ankuvalanganga lilove lya Nnungu pa Beleya momo, vandyúka koko ndavakang'ela venentete na kutaa upuju.

Vitendo 14:19

Napanelo mo nkaja mo, vandíwika vayuda vaantiyokiya ya ku Pishidiya na vaikoniu kutwala kuvatumbilikanga vanu vankaja amo; bai vandímwamanga majanga Paulu, kumuutanga kuka nanjaa kunyenje likaja vona kenga andipela.

Vitendo 2:10

twálakadile ku Piligiya, ku Pampiliya, ku Mishili, twálakela ku Libiya twíkala pepi na pa Kulene, twálakela kunjini wa Loma,

Vitendo 6:5

Malove ala imbumba yavakwoda uti andívanagwela. Nadoni vandívatandola vanu ava: Shiteva munu walikulupililo lyoe na wakumuumbala Imumu Wanashwe, kwatika Pilipo, Polokolo, Nikanoli, Timoni, Palamena namu Nikolau munu wa ku Antiyokiya e aliinjidyénge mwidini yavayuda.

Mateu 5:29

Ikava kenga liu lyako lyakunkanakono linkukutadya utege, usha ujae kushu ko. Kudyanga ikwove imbandi imo yamili wako kuliko mili wako uti wakulinganana kujela kushena.

Mateu 3:7

Napanelo pavagwene mapalishayo na mashadukayo voe vaida ndapata ubatisho kwake, nae kushidoni, “Mmana mmadinyoka dyaishumu mwe! Anyinyitidilé nyani kutila shaushanga shake Nnungu shída?

Mateu 23:13

“Napanelo mupambale mwenu mmamwalimu mmadishaliya na mmapalishayo. Mmanu mmashinankulaba mwe! Mushalangila maalati utawala wakuwa kwavanu! Mwenu mmene hamunainjila shinu na vainjíla avalá, munkuvaleya.