Mateu 21:32 - Ibibiliya mu Shimakonde Imbodi Yaambi na dimbande dya Imbodi Yakala

³² Mwaa Nshuwau andímwidila mwenu nannodya indila yaishaliya kutwala mwenu me kunkulupila. Vakukatisha-ukodi na vakulavalava vo vaninkulupila, napane mwenu ata mwona avi, hamulijugulenge pakulota munkulupile.

Mateu 21:32 Referans Kwoze

Mateu 21:25

Da ubatisho umwe Nshuwau walakadilé kwashi? Walakadilé kuwa kwali kwavanu?” Vanavo kwaulanila shivenevene vaashidoni, “Tukaashidoni, ‘Walakadilé kuwa,’ nae andatudya, ‘Mwaa shani hamunkulupidile?’

II Patulu 2:21

Kudyanga vanavo leka vakamanyite indila yaishaliya kuliko kumanya kutwala kuujila kavili kunyuma na kwambukanga lilamulo lyakwilimyanga lyavaukile ndapwashalela.

Maono 2:21

Nangu nimupa wakati wakulota alijugulange kulavalava kwake kanji nae hatamwa.

Vabalaniya 3:12

Lilaledye mmanung'unumunu, hanapagwe munu pakati penu wantima waukalau na waungakulupila untadya aapukananganavo Nnungu mumi.

II Timoti 2:25

avapundisha kwakulishapeya avalá vampínga nakapanji Nnungu andavapa kulijugulanga kwidanavo kumanya umwiu

Mateu 11:18

“Shapo lola, andida Nshuwau pakalya na pakakumbila, mwenu muushidoni, ‘Anintawala lijini ajo.’

Mateu 5:46

Da mwenu mukavanagwaledya gweka avalá vannagwalédya mulota kupata inudyo shani? Da ata avalá vakukatisha-ukodi havanatandela momo?

Mateu 21:31

Napanelo pakati pavana ava vavili, wakwashi átandadidye malotelo atatamunu?” Vanavo do, “Jo ntandi jo.” Yesu kushidoni, “Bai ninkumwaulila mwiu doni, vakukatisha-ukodi namu vakulavalava vankulangalela kwinjila muutawala wa Nnungu kunneka mwenu.