Mateu 21:31 - Ibibiliya mu Shimakonde Imbodi Yaambi na dimbande dya Imbodi Yakala

³¹ Napanelo pakati pavana ava vavili, wakwashi átandadidye malotelo atatamunu?” Vanavo do, “Jo ntandi jo.” Yesu kushidoni, “Bai ninkumwaulila mwiu doni, vakukatisha-ukodi namu vakulavalava vankulangalela kwinjila muutawala wa Nnungu kunneka mwenu.

Mateu 21:31 Referans Kwoze

Lukashi 7:29

Vanu uti na ata vakukatisha-ukodi vamwigwilidíle Nshuwau, vandímupa ishaliya Nnungu mwaa wakuvapa ubatisho Nshuwau

Mateu 7:21

“I uti avalá vangwaulíla ‘Umu, Umu’ vandainjila muutawala wakuwa, ila aijá átandedya malotelo ake Atata ávele kuwa.

II Patulu 3:9

Umu hanatimatimanga shinu kutandedya kulivikila kwake kenga mwavaanela vanji kutima. Leka apo, nae mpole kwenu mwenu pakalota ata munu jumo kujaika kanji uti vakawikile mukulijugulanga madambi ave.

Valoma 5:20

Mwenu, lilamulo lindida pakulota dashi, kupujungula kwanjadyeke. Napane po palyanjadyeke lidambi, umonyo undipakatika

Valoma 3:19

Napane wetu tundimanya kenga uti vitangóla mulilamulo vinkutangola kwa avalá vatawalígwa na lilamulo kwambangidya dashi, dikanywa uti dimalale na shilambo uti shikapagwe muukumu yake Nnungu

Mateu 20:16

Nadoni vamwisho vandava vatandi na vatandi vandava vamwisho.”

Vitendo 17:30

Kanji Nnungu pakavalangila wakati aulá waungamanya, ambi apa ankuvavalangangila vanu uti mumautu avanama valijugulange madambi ave

Lukashi 19:22

Kanji nang'olo kushidoni, ‘Wako ni untumika wakubanga namene! Ndakuukumu kwodananavo avilá vyauvalangenge wako umwene. Namwiu, wako undímanya shana doni nangu ni nimunu wakudingadinga, walukwinnyango na ngunanang'ena pandikapandile.

Lukashi 15:10

Kulandana na shitendo asho ninkumwaulila doni, kwavanjelo vake Nnungu lindapagwa lipuwilo lyoe namene mwaa wankútega jumo álijugulanga madambi ake.”

Mateu 18:3

kutwala kushidoni, “Ninkumwaulila mwiu doni, mwenu mukanaujiyanga mitima vyenu kulitenda kenga mmadyoko mmadikidiki, mwiko hamwinjila muutawala wakuwa.

Mateu 12:50

Aijá átandedya mwalatela Atata ávele kuwa, ajo ni mwanetu, numbwangu na ajala.”

Mateu 9:9

Napanelo Yesu paumile apo andímwona munu jumo walina Mateu àikele pashitala shaukodi. Nae kumwaulila doni, “Ngwoda!” Mateu kutakatuka kumwoda.

Mateu 6:5

“Napanelo pamushwali hamunave kenga avalá vanu vamalambi. Vanavo kuvanagwela kushwali vaimidile muvitala vyakulipudidya na nanyenje dibalabala pakulota vaaneke kwavanu. Ninkumwaulila mwiu doni, vovo vo tayali vandipata inudyo yave.

Mateu 5:18

Ninkumwaulila mwiu doni, shilambo shakuwa na shapai vikanava kupita, hashipali shilóta kwapuka nkati mu Lilamulo ata palukavéle lutembo kwali lukweu ludikidiki vela, vindapagwa mpaka uti vitandeke.

Mateu 5:46

Da mwenu mukavanagwaledya gweka avalá vannagwalédya mulota kupata inudyo shani? Da ata avalá vakukatisha-ukodi havanatandela momo?

Mateu 21:30

Tatamunu akamuukila mwana wambili ndamwaulila momo, mwana ajo kushidoni, ‘Ndauka nang'olo,’ kanji haukíle.

Nshuwau 3:3

Yesu akanjang'ula kushidoni, “Ninkukwaulila mwiu mwiu, munu akanavalekwa kwakuwa haulula shinu kwona utawala wa Nnungu.”

Nshuwau 3:5

Yesu kunjang'ula, “Ninkukwaulila mwiu mwiu, munu akanavalekwa kwamedi na Imumu haulula kwinjila muutawala wa Nnungu.