Mateu 21:22 - Ibibiliya mu Shimakonde Imbodi Yaambi na dimbande dya Imbodi Yakala

²² Namomo shinu shamulota kujugwa kwaindila yakushwali, mukakulupila mundapata.”

Mateu 21:22 Referans Kwoze

Mateu 7:7

“Jugwa mundapata, lambela mundona na taa odi vananshimulila.

Malukushi 11:24

Napavedoni ninkumwaulila, uti vyamulota kujugwa kwaindila yakushwali kulupila kenga mundipata nadoni vindakutandakela momo.

I Nshuwau 3:22

na kula shinu shatunjugwa nae, tunkupata kwalakela kwake mwaa tunkwigwilila malamulo ake na kutandedya vyapuwangila.

Mateu 18:19

Namomo ninkumwaulila doni, vanu vavili pakati penu vakaigwania mushilambo amu kwashinu shoeshoe shakujugwa, Atata ávele kuwa andavapa.

Tiyagu 5:16

Napavedoni, valanganila madambi enu na shwalyanidya pakulota mupone. Kushwali kwamunu waishaliya kunkuvanavo dimongo dyakutandeka vinu vyoe.

Nshuwau 14:13

Kula shinu shamulota kujugwa palina lyangu, nangu ndatandedya kwambangidya Atata apate lishangelo nkati mu Mwana.

Nshuwau 16:24

Mpaka ambi apa hashipali shamunjugwile palina lyangu nangu. Jugwa mundapata kwambangidya lipuwilo lyenu liwikile popo.

Nshuwau 15:7

Mwenu mukapagwa nkati mwangu, malove angu kupagwa nkati mwenu, shoeshoe shamulota, jugwa na vinantandakela momo.

Mateu 7:11

Ikava kenga mwenu pamo na ukalau wenu munkumanya kuvapa vanavenu vyambone, kushi Tatagwenu ávele kuwa hamamodya kuvapa vinu vyambone avalá vanjúgwa?