Mateu 21:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ Napane vanang'olo vavakulangalalela-shadaka pamo na vamwalimu vadishaliya pavagwene vyamakango vyashitenda na pavavaigwite vadyoko mwing'ande ya Nnungu vatangola pashanya po vaashidoni, “Kushibika kupagwe na mwanagwe Daudi,” vanavo vandíshimwanga

Mateu 21:15 Referans Kwoze

Mateu 21:9

Imbumba íshuka mushu na íshimwoda, dishindatangola pashanya po diishidoni, “Kushibika kupagwe na mwanagwe Daudi. Aalaligwe aijá áida palina limwe Umu. Kushibika kupagwe kushanya-uti.”

Nshuwau 12:19

Nadoni mapalishayo vandyaulanila shivenevene kushidoni, “Wetu apa hashipali shatwamba! Shapo lola, shilambo uti shindimwoda nae!”

Nshuwau 11:57

Doni, vanang'olo vavakulangalalela-shadaka pamo na mapalishayo vandyúmya lilamulo lyakulota munu ámanyite lyutu lyavele Yesu, avalangange kwambangidya vakankamule.

Nshuwau 7:42

Da Maandiko hatangwele aashidoni, muudukulu umwe Daudi na mulikaja lya Beteleemu, likaja lyake Daudi, andaalakela Klistu?”

Nshuwau 4:1

Napanelo Yesu akaigwe kenga mapalishayo vandígwa doni, Yesu ankuvatenda vanu kuva vakwoda vake na kuvapa ubatisho kumpunda Nshuwau,

Lukashi 22:66

Napanelo wiku paushwenge, nkodyanio wavanang'olo vavenentete kutunduvangila vanang'olo vavakulangalalela-shadaka pamo na vamwalimu vadishaliya vandíikala nguguvale kuntwala Yesu kumwimidya paikamati yave.

Lukashi 22:2

Nadoni vanang'olo vavakulangalalela-shadaka pamo na vamwalimu vadishaliya vashindalambela dindila dyakummalididya Yesu mwaa vashindavajopa venentete.

Lukashi 20:1

Napanelo muliduva limo Yesu àvele mwing'ande ya Nnungu avapundisha venentete na avavalangangila ntenga wambone, vandímwidila vanang'olo vavakulangalalela-shadaka, vamwalimu vadishaliya pamo na vanang'olo

Malukushi 11:18

Malove alo, vanang'olo vavakulangalalela-shadaka pamo na vamwalimu vadishaliya vashindaigwa. Vanavo vashindalambela dindila dyakummalididya mwaa vashinanjopa kwoda vanu uti vashindashanga mapundisho ake.

Mateu 27:20

Kanji vanang'olo vavakulangalalela-shadaka pamo na vanang'olo vandívatumbilikanga venentete pakulota vanjugwe avaungulile Balabashi, Yesu jo vammalidye.

Mateu 27:1

Napanelo lyamba linyeiku, vanang'olo uti vavakulangalalela-shadaka pamo na vanang'olo vavenentete vandíikala nguguvale kutwala kuunganila vammyae Yesu.

Mateu 26:59

Bai vanang'olo vavakulangalalela-shadaka pamo na ikamati uti vashindalambela ushuda waushwang'a pakulota vammalidye,

Mateu 26:3

Napanelo vanang'olo vavakulangalalela-shadaka namu vanang'olo vavenentete vandíkadyania paing'ande imwe nkúlangalalela-shadaka nkumene aijá wavanshema Kaipashi

Mateu 22:42

“Mwenu, ing'ano imwe Klistu ai mwona dashi? Jojo jo mwanagwe nyani?” Vanavo do, “Mwanagwe Daudi.”

Mateu 21:23

Yesu akainjila mwing'ande ya Nnungu. Napanelo nae apundisha, kumwidila vanang'olo vavakulangalalela-shadaka pamo na vanang'olo vavenentete ndamudya, “Vinu avi utenda kwamadalaka shani na madalaka ene lo akupelé nyani?”

Mateu 9:27

Napanelo Yesu paumile apo, vandímwoda vakuputala mevo vavili vakugwa pashanya po vaashidoni, “Mwanagwe Daudi, twanangila shididi!”

Mateu 20:24

Bai avalá vakwoda vake vanji kumi pavaigwite davo, vandívashimwidya vanung'unumunu avalá vavili.