Mateu 21:11 - Ibibiliya mu Shimakonde Imbodi Yaambi na dimbande dya Imbodi Yakala

¹¹ Imbumba yavanu kutwala kushidoni, “Aju ni aijá nkúlava, Yesu wa ku Nashaleti ya ku Galileya.”

Mateu 21:11 Referans Kwoze

Nshuwau 6:14

Napanelo vanu pavagwene shimanyikilo shatandile Yesu vandítangola kushidoni, “Aju mwiu ni jo nkúlava watushinnindila aide mushilambo.”

Nshuwau 7:40

Nadoni vanu vanji pakati paimbumba vakaigwe malove alo vandítangola vaashidoni, “Aju mwiu ni nkúlava watushinnindila aide.”

Lukashi 7:16

Vanu uti kuvainjila kujopa kutwala kumupa lishangelo Nnungu vaashidoni, “Pakati petu andyumilila nkúlava nkumene namene!” Vanavo kavili kushidoni, “Nnungu andida ndavaangangola venentete vake!”

Vitendo 7:37

Jo Musha aju e avaulidíle vanaishilaeli, ‘Nnungu anantakatuwa pakati pavanung'unumunu venu nkúlava jumo kenga nangu.’

Nshuwau 9:17

Vanavo vandímudya kavili aijá e aputéle kushidoni, “Pakuva munu ajo andikuponia, napanelo wako umwona kuva kenga nyani?” Nae kushidoni, “Nkúlava.”

Mateu 2:23

ndaikala panjini umo wavashema Nashaleti pakulota liwikile popo lilove litangaléke kwaindila yavakulava doni, “Vananshema kuva Nnashaleti.”

Nshuwau 4:19

Nkongwe kutwala kushidoni, “Nang'olo ninkukwona wako kuva unkúlava.

Nshuwau 1:21

Vanavo kumudya, “Pane, wako po unyani? Wako po, Liyashi?” Nae do, “Mene, nangu hangunava shinu nae.” Vanavo, “Da wako po, unkúlava watushikulindila wide mushilambo?” Nae kushidoni, “Mene.”

Malukushi 6:15

Vanji doni, “Liyashi ajo.” Vanji, “Aju nkúlava, avelé kenga nkúlava jumo pakati pavakulava vakala.”

Lukashi 24:19

Nae kushidoni, “Vyakwashi?” Vanavo kushidoni, “Vintandéke Yesu wa ku Nashaleti munu avéle nkúlava, avénavo vitendo na malove adimongo pamevo pa Nnungu na pamevo pavanu uti.

Nshuwau 1:25

Vanavo vakaudya kushidoni, “Ikava kenga wako haunava shinu Klistu, haunava Liyashi na ata haunava shinu aijá nkúlava, mwaa shani vanu unkuvapa ubatisho?”

Lukashi 13:33

Kanji ata ikava davo ininguvaikila nelo, lunduno mpaka ntondo nguwene nguka ku Yelusalemu mwaa nkúlava haimmaikidile apalele panda Yelusalemu.’

Lukashi 7:39

Napanelo mpalishayo aijá annalike Yesu akone davo, andítangola shintimatima aashidoni, “She! Aju leka àvele nkúlava mwiu, shi akanimmanya nkongwe ánkamulanga aju; nkongwe aju, nkùtega!”

Mateu 21:10

Bai akainjila nkaja mu Yelusalemu, nkaja mo uti ni kupagwa shititimbu kutwala vanu kudya, “Da aju nyani?”

Mateu 21:26

Ata tukaashidoni, ‘Walakadilé kwavanu,’ tuvajopa venentete mwaa vanavo uti vankumwamini Nshuwau kuva nkúlava.”

Mateu 21:46

Vanavo vashindalambela dindila dyakumuungila kanji vashindavajopa venentete mwaa vanavo vashindamwamini nae kuva nkúlava.