Mateu 2:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ Nae andívalalika vanang'olo vavakulangalalela-shadaka pamo na vamwalimu vadishaliya vavayuda kuvaudya, “Da Klistu vammalangenge kuvalakwedya kwashi?”

Mateu 2:4 Referans Kwoze

Vitendo 23:9

Bai ing'ano ai indítadya vanavo kupwatana kumamodya. Napanelo vamwalimu vanji vadishaliya, vashipinga shamapalishayo vandítakatuka kutwala kutunduvanga kutaukanga vaashidoni, “Wetu munu aju hatunamwona likosha. Da inkuululika imumu kwali njelo kutangola namu nae?”

Vitendo 6:12

Nadoni vandívakang'ela venentete, vanang'olo pamo na vamwalimu vadishaliya kutwala kuka kwashingangala nankamula Shiteva kumuukanavo kunguguvale.

Mateu 21:23

Yesu akainjila mwing'ande ya Nnungu. Napanelo nae apundisha, kumwidila vanang'olo vavakulangalalela-shadaka pamo na vanang'olo vavenentete ndamudya, “Vinu avi utenda kwamadalaka shani na madalaka ene lo akupelé nyani?”

Mateu 7:29

mwaa nae ashipundisha kenga munu ávenavo madalaka i kenga vamwalimu vave vadishaliya.

Vitendo 4:5

Napanelo palyamba lyake vakutawala vave pamo na vanang'olo na vamwalimu vadishaliya vandíkadyania pa Yelusalemu.

Nshuwau 18:3

Jo Yudashi jo andyúka kuliteka àvenavo shipinga shavaing'odo pamo na vakushunga vakwalakela kwavanang'olo vakulangalalela-shadaka na mapalishayo vànyukatenge vyenje, ditoshi na dyuti.

Nshuwau 8:3

Napanelo vamwalimu vadishaliya pamo na mapalishayo vandímwidanavo nkongwe wavankamwíle ugoni kumwimidya shing'ati shave

Nshuwau 7:32

Napanelo mapalishayo vakaigwe imbumba ing'ung'ulanga vantambulanga Yesu, vanavo pamo na vanang'olo vavakulangalalela-shadaka vandívatuma vakushunga vauke vakankamule.

Nshuwau 3:10

Yesu akanjang'ula kushidoni, “Wako umwalimu wavanaishilaeli, napane haunamanya shinu vinu avi?

Lukashi 23:10

Vanang'olo vavakulangalalela-shadaka pamo na vamwalimu vadishaliya pashinu apo, vashinantambudyanga na dimongo vinu vyoe.

Lukashi 20:19

Napanelo vamwalimu vadishaliya na vanang'olo vavakulangalalela-shadaka vashindalota vamwinjilinneu mwaa vandímanya shalowa kenga nkong'o awo ushivakumbyanga vanavo kanji vashindavajopa venentete.

Malukushi 8:31

Napanelo Yesu andítunduvanga kuvapundisha vakwoda vake aashidoni, “Mwana Wamunu inimmaikila apate mauvilo oe; inimmaikila vamwite vanang'olo, vakulangalalela-shadaka vanang'olo pamo na vamwalimu vadishaliya, apele na muliduva lyantatu lyake adyuke.”

Mateu 27:1

Napanelo lyamba linyeiku, vanang'olo uti vavakulangalalela-shadaka pamo na vanang'olo vavenentete vandíikala nguguvale kutwala kuunganila vammyae Yesu.

Mateu 26:47

Napanelo Yesu akuno atangola kwidinneu Yudashi jumo pakati pa avalá kumi na mbili pamo na imbumba yavanu vànyukatenge maambila na dilungu. Vanu avo, vandítumigwa na vanang'olo vavakulangalalela-shadaka na vanang'olo vavenentete.

Mateu 26:3

Napanelo vanang'olo vavakulangalalela-shadaka namu vanang'olo vavenentete vandíkadyania paing'ande imwe nkúlangalalela-shadaka nkumene aijá wavanshema Kaipashi

Mateu 21:15

Napane vanang'olo vavakulangalalela-shadaka pamo na vamwalimu vadishaliya pavagwene vyamakango vyashitenda na pavavaigwite vadyoko mwing'ande ya Nnungu vatangola pashanya po vaashidoni, “Kushibika kupagwe na mwanagwe Daudi,” vanavo vandíshimwanga

Mateu 13:52

Nae kuvaulila kushidoni, “Doni napanelo kula mwalimu álitandile nkwóda wautawala wakuwa ankuva mwatatamunu wapaing'ande áumya mulipeta mwake vinu vyaambi na vyakala.”

Mateu 2:3

Bai Umu Elode pamo na vanu uti váshinama pa Yelusalemu pavaigwite malove alo, vandyángaikanga.

Mateu 2:5

Vanavo kushidoni, “Mulikaja lya Beteleemu mulijimbo lya Yudeya mwaa kwaindila yankúlava yandikigwé doni,