Mateu 19:23 - Ibibiliya mu Shimakonde Imbodi Yaambi na dimbande dya Imbodi Yakala

²³ Napanelo Yesu kutwala kuvaulila vakwoda vake kushidoni, “Ninkumwaulila mwiu doni, pandikamadyanga namene ntajili kwinjila muutawala wakuwa.

Mateu 19:23 Referans Kwoze

Mateu 13:22

Imbeju igwilidíle padimiva ni munu áigwilila lilove kanji mangaikangilo awakati au pamo na lung'unuku lwamali, avyo vindáshinya lilove kutwala nae mene kupa vyepo.

Malukushi 10:23

Yesu kushiliuka kulalyanga nnyenje mwake kuvaulila vakwoda vake kushidoni, “Pandikamadyanga namene vatajili kwinjila muutawala wa Nnungu!”

Lukashi 18:24

Yesu pangwene munu ajo kuvanavo shipalodi shoe andítangola kushidoni, “Pandikamadyanga namene ntajili kwinjila muutawala wa Nnungu.

I Vakolintu 1:26

Mmanung'unumunu, takumbukila mwamuvalaléle wakati wamuukile ndashamegwa: padyoko muvele mmalimanyilo kwodananavo shimunumunu, padyoko muvele mmadimongo, padyoko múvalakwadidye mumakola avanu shii.

Nshuwau 3:3

Yesu akanjang'ula kushidoni, “Ninkukwaulila mwiu mwiu, munu akanavalekwa kwakuwa haulula shinu kwona utawala wa Nnungu.”

Tiyagu 2:6

Kanji mwenu munkumwiludyanga mmashikini. Da havanava shinu matajili vannivatíla na kumbulusha vamuukanavo kulibengi?

Vitendo 14:22

Mumakaja alo, vanavo vashindapita vavanonowanga vakwoda vavapa ntima pakulota vauke mushu mulikulupililo na vavamanyiya doni, “Indivaikila tupite mumauvilo oe kwambangidya twinjile muutawala wa Nnungu.”

Nshuwau 3:5

Yesu kunjang'ula, “Ninkukwaulila mwiu mwiu, munu akanavalekwa kwamedi na Imumu haulula kwinjila muutawala wa Nnungu.

Mateu 18:3

kutwala kushidoni, “Ninkumwaulila mwiu doni, mwenu mukanaujiyanga mitima vyenu kulitenda kenga mmadyoko mmadikidiki, mwiko hamwinjila muutawala wakuwa.

Mateu 5:20

Napavedoni ninkumwaulila mwiu, ishaliya yenu ikanapunda yavamwalimu vadishaliya na mapalishayo, mwiko muutawala wakuwa hamwinjila.

Mateu 21:31

Napanelo pakati pavana ava vavili, wakwashi átandadidye malotelo atatamunu?” Vanavo do, “Jo ntandi jo.” Yesu kushidoni, “Bai ninkumwaulila mwiu doni, vakukatisha-ukodi namu vakulavalava vankulangalela kwinjila muutawala wa Nnungu kunneka mwenu.

Mateu 19:22

Nnemba aijá paigwite malove alo andyúma na shipalodi mwaa avenavo mali oe namene.