Mateu 19:21 - Ibibiliya mu Shimakonde Imbodi Yaambi na dimbande dya Imbodi Yakala

²¹ Yesu kushidoni, “Ukalota kuva umunu washalowa-uti wena ukashulushe vyauvenavo uti, njuluku wo uvajavile vákave pashinu. Apo undavanavo libadila kuwa ling'oto wide ungwode.”

Mateu 19:21 Referans Kwoze

Malukushi 10:21

Yesu pannadile aninnagwaledya kutwala kushidoni, “Shindikubakila shinu shimo. Uti vyauvenavo wena ukashulushe, njuluku wo uvape vákave pashinu. Undavanavo libadila kuwa; ling'oto, ida ungwode.”

Lukashi 18:22

Yesu paigwite malove alo andímwaulila doni, “Shindikwijalila shinu shimo. Shulusha vyauvenavo uti, njuluku wo uvajavile vamashikini; undavanavo mali kuwa na wide ungwode.”

Lukashi 12:33

Shulushanga uti vyamuvenavo njuluku wo, muvape vamashikini! Likandyangidye mapeta ákapapukanga na mali ákapunguka kuwa; kwanavo nkwíva hanapita na ushwa haupali.

Lukashi 14:33

Napavedoni munu woewoe pakati penu ákalota kuleka vinu vyavenavo uti, hava shinu nkwóda wangu.

Vitendo 2:45

vashindashumidya vinu vyave kutwala njuluku kuukanavo ndajavananga vamupa kula munu kwodananavo víshimwova pamili pake.

Nshuwau 12:26

Aijá ángutumika, inimmaikila angwode. Pangulota kupagwa nangu, ntumika wangu momo andapagwa popo. Munu akangutumika, Atata andamupa ishima.

Lukashi 9:23

Namomo andívaulila vanu uti doni, “Munu akalota kungwoda nangu, alishukulu; kula liduva anyukate nshalaba wake angwode.

Nshuwau 10:27

Vangandolo vangu nangu, vankwigwa lidi lyangu; nangu ndivamanya vanavo na vanavo vankungwoda.

Mateu 5:48

Napavedoni mwenu inimmaikila muve mmanu mmashalowa-uti kenga Tatagwenu wakuwa, nae washalowa-uti.

Lukashi 16:9

“Nangu ninkumwaulila doni, panga dimbodi kuwa mutumila mali aungave-ishaliya pakulota mushu mo akamalilika, vanavo kuwa ko, vampwashalele.

Mateu 19:28

Yesu kushidoni, “Nangu ninkumwaulila mwiu doni, mwenu múngwoda nangu muwakati wakudyuwangigwa vinu uti, Mwana Wamunu palota kwikala pashiteng'u shake shalishangelo, namwenu momo mundaikala muviteng'u kumi na mbili muukumu makola kumi na mbili avanaishilaeli.

Mateu 16:24

Bai kutwala kuvaulila vakwoda vake doni, “Munu akalota kungwoda nangu, alishukulu jo mwene anyukate nshalaba wake angwode.

Lukashi 6:40

Nkwóda hanamanya mpaka kumpunda aijá ámpundisha kanji nkwóda woewoe akalipundisha shana ava kenga jo mwene ámpundisha.

Lukashi 5:27

Kutwala apo Yesu andyúma apalá; akaume nae andímwona munu jumo nkúkatisha-ukodi walina Lawi àikele pashitala shaukodi, Yesu kumwaulila kushidoni, “Ngwoda!”

Malukushi 8:34

Bai nae kushema imbumba yavanu pamo na vakwoda vake kuvaulila kushidoni, “Munu akalota kungwoda nangu, alishukulu jo mwene anyukate nshalaba wake angwode.

Mateu 9:9

Napanelo Yesu paumile apo andímwona munu jumo walina Mateu àikele pashitala shaukodi. Nae kumwaulila doni, “Ngwoda!” Mateu kutakatuka kumwoda.

Vabalaniya 10:34

Mwenu mundilyunganianga na mauvilo avakungwa, namomo pamushipakanyalegwa vyenu mushindakubali kwalipuwilo mwaa mushindamanya kenga munkuvanavo mali amana ngwengwe.

Malukushi 2:14

Pashipita awena, andímwona Lawi mwanagwe Alupeu àikele nshitala shaukodi kutwala Yesu kushidoni, “Ngwoda!” Nae kutakatuka kumwoda.

Mateu 8:22

Yesu kushido, “Ngwoda! Valeke vakupela vavashike vakupelamwave.”

Mateu 4:19

Nae kuvaulila kushidoni, “Ngwoda! Nangu nantenda muve mmanu mmakuvaka vanu.”

Mateu 19:20

Nnemba jo kushidoni, “Nangu malamulo ala ninkwigwilila, napane shakwashi shingubakidile?”

Mateu 19:22

Nnemba aijá paigwite malove alo andyúma na shipalodi mwaa avenavo mali oe namene.