Mateu 17:18 - Ibibiliya mu Shimakonde Imbodi Yaambi na dimbande dya Imbodi Yakala

¹⁸ Bai Yesu kushulanga lijini lyo, lyanavo kuma mundyoko mo kutwala muwakati wowo ndyoko jo kupona.

Mateu 17:18 Referans Kwoze

Mateu 9:22

Yesu kushiliuka. Pangwene, kumwaulila kushidoni, “Lyunge ntima mwanangu. Likulupililo lyako lindikuponia.” Kutunduvangila muwakati wowo nkongwe jo kupona.

Vitendo 16:18

Malove ala nae andítangola mumaduva oe kutwala kumwisho kwake Paulu kunnyatila; akashiliuka kumwaulila lijini jo doni, “Palina limwe Yesu Klistu ninkukulamulila, kuma mumili mwamwali aju!” Lijini kuuminneu.

Lukashi 9:42

Mwana amuukila Yesu, lijini liníngwiidya pai kungalagayanga kanji Yesu anínshulanga lijini nshapu jo, kumponia mwana nae kuntwala kumwing'a mwene tatake.

Lukashi 8:29

Nae andíjugwa davo mwaa Yesu anínnamulila lijini nshapu aijá aume mumili mwamunu ajo. Lijini jojo jo, myanda vyoe aníntawala munu aju; ata vakammika pashinu vàmuungile mang'unyang'unya avitali mmakono na mmadodo, nae ashindalundumula lijini kuntwala kumuukanavo kunundu.

Malukushi 5:8

Andíjugwa davo mwaa Yesu anínnamulila lijini jo doni, “Wako lijini nshapu, mumili mwamunu ajo, kuma!”

Malukushi 1:34

kutwala nae kuvaponia valwele voe vavilwele vyakuvilingananga na majini kukumulanga; majini lo kuleya hanatangole mwaa anavo ashinammanya shalowa.

Mateu 15:28

Yesu kutwa kushidoni, “Ajaló, likulupililo lyako likumene namene! Nadoni vikutandeke kenga mo mwaulatadile.” Bai muwakati wowo mwanagwe jo kuponenneu.

Mateu 12:22

Napanelo vanu vandímwidanavo kumwe Yesu munu jumo walijini, wakuputala mevo na bubu nae kumponia, munu jo kutangola na kulola.

Lukashi 4:41

Namomo majini ashindaumananga mumili mwavanu voe akuta aashidoni, “Wako, umwana wa Nnungu!” Nae ashindavashulanga, hashivaleka vatangola mwaa vanavo vanímmanya doni, nae avele Klistu.

Mateu 17:17

Yesu kutwala kushidoni, “Mmanu mmaimbula íkakulupila na yakudumbadumba! Da nangu ndapagwa namu mwenu mpaka duvani? Nannaga mwenu mpaka duvani? Mwidenavo apa ndyoko jo!”

Mateu 17:19

Napanelo vakwoda vake vakamuukila àvele kwagweka ndamudya, “Mwaa shani wetu hatuulwile kukumulanga lijini lyo?”